VOV4.Sêdang - Kơxo lơ 20/10, a Hngêi hôp kân Diên Hồng, xua pôa Vương Đình Huệ, Kăn xiâm hnê ngăn Kuô̆k hô̆i pơkuâ, Kuô̆k hô̆i hiăng pơxiâm po hôp roh má péa Kuô̆k hô̆i hneăng 15 tiô tơdroăng mơ’no tơdrêng tung um tiô troăng hyôh internet a xiâm mơ’no a Hngêi hôp kân Diên Hồng, Hngêi pêi cheăng Kuô̆k hô̆i ƀă 62 tíu mơ’no a mâu kong pơlê, pơlê kong kân. Tiô tơdroăng hiăng tơbleăng, a rôh hôp mê, Kuô̆k hô̆i séa ngăn, tơbleăng 2 tơdroăng tơkêa luât, 5 tơdroăng chêh tung hlá mơ-éa pơkâ ƀă ăm veăng hnê tối 5 tơdroăng tơkêa luât.

Kuô̆k hô̆i pơxiâm po rôh hôp má péa Kuô̆k hô̆i hnăng 15

Kuô̆k hô̆i séa ngăn mâu hlá mơ-éa chêh tơbleăng dêi Chin phuh ‘na tối  tơdroăng pêi pro tiô pơkâ mơnhông mơdêk cheăng kâ- rêh ối ƀă ‘na liăn ngân tơnêi têa hơnăm 2021; séa ngăn hlối pơkâ mơnhông cheăng kâ-rêh ối hơnăm 2022, hbrâ liăn ngân tơnêi têa ƀă troăng hơlâ xing xoăng liăn ngân xiâm tơnêi têa hơnăm 2022 ƀă pơkâ ‘na liăn ngân - liăn tơnêi têa tung 3 hơnăm 2022-2024; tơdroăng pro mơdon hâi khế ‘mâi pơ’lêh liăn khế tiô Pơkâ dêi Tíu xiâm tơnêi têa ƀă Kuô̆k hô̆i; tơdroăng cheăng hbrâ mơdât pơreăng COVID-19 ƀă tơdroăng pêi pro tiô pơkâ kơxô̆ 30/2021/Kuô̆k hô̆i 15 rôh hôp má môi, Kuô̆k hô̆i hneăng 15;

Séa ngăn, pơkâ tơdroăng cheăng kâ pơla hơnăm 2021-2025, pơkâ xúa tơnêi dêi tơnêi têa tung pơla hơnăm 2021-2030, pơkâ pêi pro troh hơnăm 2050 ƀă pơkâ xúa tơnêi 5 hơnăm pơla hơnăm 2021-2025 ƀă mâu tơdroăng kal ki ê.

Gương tơplôu ƀă tơbleăng