VOV4.Sêdang - Hâi lơ 8/11, Kuo#k ho#i hiăng têk ko\ng tối tơbleăng tơdroăng pơkâ ‘na mơnhông pêi cheăng kâ-rêh ối pơlê pơla hơnăm 2019; tơpui tơno a khu ‘na tơdroăng tơkêa bro Luât mơjiâng hngêi trăng, tơdroăng tơkêa bro Luât hnê hriâm (‘mâi hơ’lêh) [ă tơmâng rơkong pơtroh, tối tơbleăng séa mơnhên ‘na tơdroăng tơkêa bro Luât  pơkuâ ngăn ‘na pro hnoăng mơhá (‘mâi hơ’lêh).

Tơdroăng chêh tối ‘na Luât mơjiâng pro hngêi trăng ai 4 chương, 37 tơdroăng,  pơkâ ‘na pơkuâ ngăn ‘na mơjiâng pro hngêi trăng, pêi pro mâu hnoăng cheăng mơjiâng hngêi trăng, hnoăng cheăng, tơdroăng pôu râng [ă túa cheăng dêi mâu kơ koan, khu pơkuâ cheăng, mơngế krê tung mơjiâng pro hngêi trăng a tơnêi têa Việt Nam.

Tơdroăng tơkêa bro ‘na Luât hnê hriâm (‘mâi hơ’lêh) ai 10 chương, 119 tơdroăng, tung mê, ‘mâi rơnêu, mơjiâng tơ’nôm 70 tơdroăng. Ai hên tơdroăng ki kal tung chêh bro Luât ki kố, môi tiah troăng hơlâ ki ôh tá xo liăn ngân [ă vâi hdrêng hriâm mâm non 5 hơnăm, hok tro hriâm râ má péa dêi tơnêi têa [ă veăng kum liăn hriâm [ă vâi hdrêng, hok tro a mâu tíu ki hnê hriâm dêi tơnêi têa, dêi khu krê.

Nhat Lisa tơplôu [ă tơbleăng