Sap ing Têt nah troh nôkố, rơpo\ng ngoh Cil Đuyn, a tôh kơpho# Bon Đưng 2, xuân môi tiah hên rơpo\ng kuăn pơlê ki ê a pơlê kân Lạc Dương, tơring Lạc Dương rêh ối tung tơdroăng ki ôh tá ai têa vâ ôu, kâ hum roh. Ngoh Cil Đuyn ăm ‘nâi, mâu ngế tung rơpo\ng hngêi măng ki lâi xuân athế thế dêi rơpó vâ râ hnêng xo têa. Têa kơmăi pơtối xiâ mê pro tơdroăng rêh ối dêi hên rơpo\ng trâm xơpá.

‘’Peăng kơhâi têa ôh tá ai môi kơto ki lâi ôh, a kong măng mê bu ai iâ. A kơxê măng dâng 12 chôu mê nếo châ hnêng xo môi iâ. Kơmăi roh hmân ếo, kơ-[in têa tôu chúa lôi tiah mê, ôh tá ai têa vâ xúa, môi troh 2 chôu kong gâ kơmăi roh xuân ôh tá ai têa vâ roh hmân ếo’’.

Kuăn pơlê tôh kơpho# Bon Đưng 1 athế hrăng plâ măng vâ râ hnêng têa

Ôh tá ai têa xuân pro ăm tơdroăng ki tê mơdró kế kâ dêi rơpo\ng nâ Lê Thị Vui a tôh kơpho# Bon Đưng 1 pơtối trâm pá. Rêm hâi, on veăng nâ athế kơto rơxế vâ chê 1km vâ pâ têa dêi nho\ng o vâ xúa. Tiô nâ Vui, sap ing ai tơdroăng ki ôh tá ai têa, mê tơdroăng ki hum, roh dêi rơpo\ng xuân trâm xơpá.

‘’Hum, roh tơmeăm, lơ jíu xuân ôh tá ai têa, athế lăm pâ tơrêm to rơxô têa vâi vâ xúa. Rêm măng kơnốu á athế lăm chơ bu bê xúa tung môi hâi mê ah lăm chơ rôh ki ê nếo. Tơdroăng ki ôh tá ai têa ki ôh tá châ tơleăng mê rơpo\ng pâ plong klôh, mê lôi ton môi tiah kố tơbrê tơbrêh khât, tâng xúa têa iâ ôh tá tối, mê xúa hên môi tiah rơpo\ng á kố, rế tê mơdró, rế xúa tung rơpo\ng mê kal ai têa hên’’.

Xuân môi tiah mê, vâ ai têa pế pơchên, hum, roh tơmeăm, rơpo\ng nâ K’Gian Hai a tôh kơpho# Bon Đưng 1, athế lăm pâ têa klôh vâi ki ê vâ xúa. Nâ K’Gian tối, hên khế kố, ôh tá ai têa vâ xúa la liăn ki nâp têa rơpo\ng nâ xuân athế nâp [ă yă kơnâ to hdroh tâng vâ pơchông [ă hdrối nah.

‘’Hơnăm kố, tơdroăng ki ôh tá ai têa hmôu pơ trâm plâ rơnó a kơpong kố. Tơbrê tơbrêh khât, á vêh ing lăm troh a hngêi hiăng kơmăng la xuân ối hrăng vâ xo têa. Têa ôh tá ai vâ xúa mê liăn nâp péa khế kố tâi lối môi rơtuh, khế 1 hdrối nah liăn têa ai 695 rơpâu liăn, khế 2 lối 500 rơpâu liăn. Hdrối nah hên má môi rơpo\ng á xúa môi khế bu tâi 170 rơpâu – 180 rơpâu liăn xo’’.

Mâu rơpo\ng kuăn pơlê tơlo liăn tơdjuôm vâ pong klôh tăng têa

Pôa Võ Quốc Trang, kăn pơkuâ Ko\ng ti Tơlo liăn mơ’no têa Lâm Đồng tối, xiâm kối têa ôh tá ai cho troăng klo\ng têa châ ‘no liăn pro sap ing hơnăm 1997 nah troh nôkố tá hâi ‘mâi rơnêu. Tung pơla mê, mâu rơpo\ng kuăn pơlê rế hên mê troăng klo\ng têa ôh tá kâi vâ mơ’no tu\m tiô tơdroăng ki rơhêng vâ xúa dêi kuăn pơlê.

‘’Ngin tối ‘na tơdroăng ki têa xiâ cho ôh tá ai, la tơdroăng ki ôh tá bê têa vâ xúa gá ai khât. Ngin hiăng ‘nâi nhên tơdroăng ‘na tơdroăng ki mê [ă hiăng pêi cheăng [ă kuăn plê. Pơkâ ki apoăng cho apoăng khế 3 kố kuăn pơlê môi tuăn, ko\ng ti kô vêh ‘mâi rơnêu tâi tâng mâu troăng klo\ng têa. Têa kô rak tơniăn tiô kơlo têa têa ki vâi ‘no a kơpong kố’’.

Tiô pôa Nguyễn Phú Việt, Kăn pho\ hnê ngăn Vi [an pơlê kân Lạc Dương tối, pơlê kân nôkố ai 4 rơpâu rơpo\ng xúa têa kơmăi. Laga, sap ing mơ’nui hơnăm 2019 nah troh nôkố, a péa tôh kơpho# Bon Đưng 1 [ă Bon Đưng 2 tơdroăng ki ôh tá ai têa hiăng pro 119 rơpo\ng tro tơdjâk. Ai mâu rơpo\ng ki ‘nâ hiăng pong klôh vâ tăng têa hơ’leh ăm têa ki kố. Pơlê kân hiăng ai hlá mơéa pơtroh ăm Ko\ng ti tơlo liăn ‘no têa Lâm Đồng pâ thế séa ngăn, ‘mâi rơnêu vêh mơ’no têa ăm vâi krâ nho\ng o.

‘’Tiô tối tơbleăng dêi vâi krâ nho\ng o mê têa xúa ôh tá bê. Nôkố, hngêi kơmăi mơ’no têa tá hâi tơpui tơru\m [ă pơlê kân tăng xiâm kối vâ ‘no têa krúa ăm vâi krâ nho\ng o. Ngin kô pơtối ‘nâi nhên tơdroăng vâ ai rơkong tối tơbleăng vâ hngêi kơmăi ‘no têa re\ng ai troăng hơlâ pơkâ tơleăng ăm vâi krâ nho\ng o’’.

Tuấn Anh chêh

Katarina Nga tơplôu [ă tơbleăng