Xua tơngôu oh tá vâ hbrâ tơnáu, môi ngế kơdrâi ối a pơlê kong kơdrâm Đà Lạt, kong pơlê Lâm Đồng hiăng tro vâi hêak pơloi hía 10 rơtuh liăn ing Facebook. Tiô hlá đơn tối tơbleăng ăm ko\ng an, kơxo hâi lơ 30/5 kố nah, mơngế kơdrâi kố hlo tin nhắn chêh pơtroh a Facebook ing ngế mâi gá ai inâi Thắng Nguyễn dế rêh ối a kong têa ê, tơdroăng ki chêh mê pâ thế jâ ăm mung 30 rơtuh liăn gá vâ kum môi ngế pú hmâ. Oh tá vâ mơnhên tí tăng ‘nâi ple\ng xiâm tơdroăng mê, ngế kơdrâi kố hiăng re\ng ‘no 10 rơtuh liăn pơtroh ăm a tai khoăn tiô ngế ki mê hiăng hnê ăm:

‘’Klêi á pơtroh 10 rơtuh liăn vêh troh a hngêi krếo phôn viber hlối ăm dêi mâi mê âi. Mâi á tôi, oh tá chêh pơtroh ăm kơ á, xuân oh tá pâ mung liăn klâi ôh ing á. facebook mâi hiăng tro hacker pro ‘mêi môi măng t^ng kố’’

Môi tiah tơdroăng ki mê há, môi ngế kơdrâi ki ê a tơring Đức Trọng, kong pơlê Lâm Đồng xuân tro hêak pơloi hía lối 600 rơtuh liăn ing Facebook. Xua ai kuăn ăm pêi cheăng a Đài Loan mê ngế kơdrâi kố hiăng pro Facebook pro tơ’lêi tơpui tơno [ă dêi kuăn ing măng. A khế 7 hơnăm 2017, tài khoăn facebook dêi jâ hlo chêh krếo pro pú hmâ dêi môi ngế ki ai tai khoăn mê inâi cho Harison tối dêi tơná cho ngế lêng Mih. Tung pơla môi khế kơ’nâi mê, jâ hlo ngế ki nếo hmâ ing măng xah ho#i mê chêh pơtroh kô pơtroh ăm nâ môi tai khoăn ki kân:

‘’Pro pú hmâ ing măng, ngoh tối kô pơtroh ăm 6 rơpâu 650 rơpâu dollar Mih, [ă 4 mêa Kim cương ki kân [ă ku\n, môi plâ ếo pơkoăng, [ă hơnâng ko\ng. Nhăn tin ăm dêi rơpó klêng tê, klêi mê thế ăm kơxo# phôn, kơxo# tài khoăn, kơxo# hlá mơ-éa kiêm tra, klêi mê êng kơxo# ‘nhông xo\n, ki hngăm to kéa lâi [ă hên ki ê’’.

Drêng hiăng ‘nâi tu\m tơdroăng ‘na ngế kơdrâi kố, mâu hâi kơ’nâi mê, ai môi ngế kơdrâi inâi cho Huyền tối dêi tơná cho môi ngế ki pêi cheăng a tơraih tơ-[ai đi đo krếo phôn, ngế pú inâi Harison ki pro hmâ ing facebook xuân nhăn tin thế ngế kơdrâi kố pơtroh liăn vâ pro hlá mơ-éa tơkâ luâ tíu tơkăng kong, liăn baoh hiêm vâ xo tơmeăm. Xua re\ng loi luâ râ bú tung 1 pơla măng t^ng kơ’nâi mê, ngế kơdrâi kố hiăng 4 hdroh pơtroh liăn ăm vâi, tâi tâng kơxo# liăn tâk troh 600 rơtuh liăn. Ngế kơdrâi kố khéa kho ‘mu\n tối:

‘’Hdrối thế pơtroh 34 rơtuh mê a troh lăm pơtroh, klêi pơtroh krếo nếo thế pơtroh 96 rơtuh vâ pro hlá mơ-éa a tơraih tơ-[ai. Klêi mê, thế á  pơtroh nếo 180 rơtuh [ă tối mơni kơxêi kố khu cheăng tíu pơtroh kơthô kô troh a hngêi  nâ. Tơkôm ton t^n ti kâi hlo ulâi, hâi kơ’nâi á krếo phôn vâi tối nôkố nâ thế nâp 290 rơtuh liăn nếo. Liăn oh tá ai a thế lăm mung tơvêh tơkâ tiô kơ hâi, drêng mê oh tá ‘nâi tung tuăn ngôa á tiah lâi xuân lăm mung liăn vâ pơtroh thế klêi tơdroăng’’.

Tâi tâng kơxo# liăn ‘măn kơd^ng, mung ki mơdrếo rơkâ hên bê troh 600 rơtuh liăn ki ngế kơdrâi kố pơtroh a tai khoăn xua khu ki hêak pơloi kâ liăn, la mâu tơmeăm mê oh tá kâi hlo. Hâi pơtê dâng mê, khu ki hêak pơloi kố ối pơtối thế ngế ki cheăng pơtối pơtroh tơ’nôm 450 rơtuh liăn nếo, tung pơla ngế kơdrâi kố dế tê tơnêi vâ xo kơxo# liăn ki mê pơtroh nếo, mê hiăng châ ‘nâi cho hêak pơloi

Tiô tơdroăng ăm ‘nâi ung Bơrô kăn sât séa ngăn mâu tơdroăng cheăng pơkâ dêi luât, Ko\ng an kong pơlê Lâm Đồng, sap ing apoăng hơnăm troh nôkố, tíu pêi cheăng hiăng xo 5 hlá đơn tơbleăng tối dêi mâu ki tro khu ‘mêi hêak pơloi kâ liăn ing măng xah ho#i. Ing mê, mâu khu ki ‘mêi kố vâi pro tai khoăn facebook ki oh tá xê khât vâ hmâ, pro pú hmâ, tối tơbleăng dêi tơná cho ngế ki ai tơdroăng cheăng pêi tơniăn, klêi mê tối vâ kơ gá vâ xo pro on veăng [ă hnối tối tơbleăng dêi tơná ai tai khoăn ki kân vâ pơtroh a Việt Nam. Vâ châ xo tơmeăm khoăng, ngế ki mê thế nâp hên kơxo# liăn, ai drêng ‘nâ nâp bê troh rơtal liăn. Pak^ng mê nếo, ngế ki tro vâi hêak pơloi mê ối châ pơkuâ ngăn mâu tai khoăn  malối cho facebook, klêi mê, mung liăn lơ kơnôm ngế ki mê rôe theh kúa nâp kơxo# vâ pơtroh ăm ngế ki tá.

Mâu tơdroăng ki kâ kơhveăm môi tiah kố, Ko\ng an kong pơlê Lâm đồng mơdêk hnoăng cheăng hnê tối, hnê ăm mơngế ki xúa măng xah ho#i thế đi đo hbrâ rơnáu, vâ hbrâ mơdât mâu ki xôi, veăng kring vế tơniăn tơmeăm khoăng dêi tơná [ă pôi tá ai ngế ki pro xôi ăm pơlê pơla.

Quang Sáng rah chêh

Gương tơplôu [ă tơbleăng