VOV4.Sêdang - Ing kơxo# liăn dêi tơdroăng pơkâ kum dêi tơnêi têa ‘na kơdroh kơtiê re\ng [ă tơniăn ton, sap ing hơnăm 2017 troh nôkố, kong pơlê Lâm Đồng hiăng ‘no lối 70 rơtal liăn mơjiâng hngêi trăng, troăng klông tung thôn pơlê, rak tơniăn ‘na rêh ối pơlê pơla ăm mâu cheăm kơtiê, pơlê kơtiê [ă rơpo\ng kơtiê. Tung mê, ‘no cheăng tiô tơdroăng pơkâ 30a ai lối 40 rơtal liăn, Tơdroăng 135 vâ chê 35 rơtal liăn.

Pá k^ng tơring kơtiê Dam Rông châ xo mâu troăng hơlâ to\ng kum ‘na liăn ngân vâ kơdroh kơtiê re\ng [ă tơniăn ton, mê a mâu tơring, mâu cheăm hơngế hơngo, kơpong xơpá kơxo# liăn hiăng tơdjâk hên khât tung pêi cheăng kâ [ă tung tơdroăng rêh ối dêi mâu kuăn pơlê, mâu tơdroăng ‘na on tơhrik bâ eăng, têa krúa ăm tơdroăng ki ôu kâ, hum roh châ rak tơniăn [ă hên tơdroăng ki ê. Mê ngiâ méa dêi mâu thôn pơlê rế hía rế hơ’lêh, tơdroăng rêh ối xông tơtêk, kum kơdroh rơpo\ng kơtiê tiô pơkâ ki nếo nôkố ối 5%, kơxo# rơpo\ng kơtiê tung kơpong hdroâng kuăn ngo ối lối 15%.

Katarina Nga tơplôu [ă tơbleăng