VOV4.Sêdang - Vi [an hnê ngăn kong pơlê Lâm Đồng nếo tơbleăng Mơ-éa kơxo# 7052 hnê mơhno mâu kong pơlê thăm mơnhông mâu túa pêi pro vâ mơ-eăm kêi đeăng hluâ pơkâ xo hnoăng liăn ngân hơnăm 2018.

Troh tâi khế 10, tâi tâng xo hnoăng liăn ngân Tơnêi têa dêi kong pơlê châ 5.900 rơtal liăn, [a\ 87% tiô tối hdrối, tâk 12% tâng pơchông [a\ roh kố hơnăm nah. Laga, a mâu tơring, kơvâ, tơdroăng xo hnoăng liăn ngân ối hrá, tá hâi châ tiô pơkâ tơdjuôm dêi kong pơlê, môi tiah: Pơlê kong kơdrâm Bảo Lộc, tơring Lạc Dương, tơring Cát Tiên [a\ mâu kơvâ xo hnoăng liăn ing khu tê mơdró tơnêi têa, xo hnoăng liăn ing kơvâ kơmăi kơmok tê mơdró ki ôh tá xê tơnêi têa [a\ hía hé.

Vâ kêi đeăng tu\m têk [a\ xo hnoăng hluâ ki vâ iâ 10% tiô tối hdrối hơnăm 2018, Vi [an kong pơlê Lâm Đồng pơkâ khu kăn pơkuâ mâu tơring thăm hnê mơhno tơdroăng pêi pro tơtro ‘na xo hnoăng liăn ngân tơnêi têa, thăm mơnhông xo hnoăng, kơvâ cheăng ki châ iâ; hnê mơhno séa ngăn, ‘nâi nhên mâu ngế, tíu xo hnoăng, đi đo séa ngăn tơdroăng rah chêh, nâp hnoăng mơhá dêi khu tơru\m cheăng, khu tê mơdró, khu môi ngế vâ xo tro, xo tu\m; thăm pơkuâ tơdroăng ối che\n hnoăng [a\ hía hé.

A Sa Ly tơplôu [a\ tơbleăng