VOV4.Sêdang - Khâu kăn pêi cheăng dêi kong pơlê Lâm Đồng nếo veăng hôp tơbleăng ‘na mâu kong pơlê dêi Việt Nam a kong têa Nhuk hơnăm 2018.

Kố cho tơdroăng pêi pro xua Ngế xiâm tơpui kâ Việt Nam tơku\m po vâ tơbleăng, mơhnhôk tăng tíu tê mơdró, vâ tơru\m pơla mâu kong pơlê Lâm Đồng, Dak Lak, Hà Giang, Hậu Giang [ă mâu kong pơlê dêi kong têa Nhuk.

Veăng hôp tơbleăng, Lâm Đồng hiăng tơbleăng tơmeăm khoăng ai hlâu, ki rơdêi dêi kong pơlê tung mâu kơvâ pêi chiâk deăng pêt hdrê loăng plâi, ‘na ôm hyô, hlối krếo ‘no liăn mơjiâng pro kơpong hngêi kơmăi- xúa tung pêi chiâk deăng Tân Phú (ki kân rơdâ 316 ha, ối tung ‘’Tơdroăng tơkêa bro mơnhông tơ-[rê ‘na pêi chiâk deăng a kong pơlê Lâm Đồng’’, châ kơ koan tơru\m cheăng lâp plâi tơnêi dêi Nhuk (JICA) kơjo kum mơjiâng pro tơdroăng pơkâ); krếo kơnôm ‘no liăn mơjiâng pro tơdroăng tơkêa pêt kơchâi, plâi, pôm, kơphế; tơdroăng tơkêa bro Tíu tê reăng Đà Lạt tơdjêp [ă Tíu tê mơdró reăng a Tokyo [ă mâu kong pơlê kân ki ê dêi kong têa Nhuk; tơbleăng, tơru\m tơdjêp [ă mâu tour, tíu ôm hyô pơla Nhuk [ă Lâm Đồng.

Mơgêi hneăng hôp ai tơbleăng, hiăng ai 5 khu mơdró kâ dêi Nhuk trâm, tơpui tơno pơla péa pâ [ă Khâu kăn lăm pêi cheăng dêi Lâm Đồng. Tiô  tối hdrối, khế 12 kố ah, mâu khu mơdró kố kô lăm troh a Lâm Đồng vâ tơpui tơno nhên tung ‘no liăn vâ mơnhông pêi chiâk deăng, pêt kơchâi, reăng xúa kơmăi ki dâi le\m.

Gương tơplôu [ă tơbleăng