Kông meăm kuăn pơlê hmâ prôk lăm dêi Phú Hội hiăng kêi đeăng [a\ châ ăm kuăn pơlê prôk lăm sap hơnăm 1986. Kố cho kông vâ kuăn pơlê prôk lăm rêm hâi, pơto tơmeăm pêi lo ing chiâk deăng dêi kuăn pơlê a 4 thôn Preh, K’Nai, Lạc Lâm, Lạc Nghiệp dêi cheăm Phú Hội troh a rêm tơdế cheăm. Sap ing kơpong hngêi kơmăi Phú Hội pêi cheăng rêm hâi ai hr^ng toăng rơxế ô tô, container pơto tơmeăm tơkâ hluâ akố, pro kông re\ng tơ’nhê. Hâi apoăng kơnâng kông hiăng tơđôu, ai tíu ‘na tro hlôh, meăm the\p chong kơ’vong, tíu ki hâng tơtah, mâu [u long meăm xuân hiăng tơ’nhê.

Hr^ng toăng rơxế kơtâu rêm hâi a kông meăm Phú Hội

O Lê Cao Sơn, hok tro lâm 8, Hngêi trung râ má péa Phú Hội tối ăm ‘nâi, rêm roh prôk tơkâ kông lăm hriâm, ngin xâo ‘nâng:

‘’Peăng kơxo á tơkôm rơxế prôk tâi mê á nếo lăm tơkâ kông. Ai tíu gá tro klêh, ai tíu tơtah lăm tơkâ xâo ‘nâng. Rơnó mêi hliâk, troăng pá vâ prôk, klêi mê têa hiu têi xâo ‘nâng’’.

Kơnâng kông hiăng tơđôu

Pôa Ngô Văn Ký – Kăn pơkuâ thôn Phú Lộc, cheăm Phú Hội ai hngêi ối a ko troăng mot a kông mơnhên tối, maluâ hiăng tơ’nhê hên hơnăm, laga ôh tá hlo kơbố lăm rơnêu. Xua kông hiăng tơ’nhê ó, ô tô, rơxế honđa prôk lăm kơdrâm xua mê tơklâm rơxế đi đo, vâi hdrêng kuăn ‘ne\ng lăm hriâm tá mâu ngế ki kân há.

‘’Drêng kơpong hngêi kơmăi pro akố kơxo# rơxế kơtâu a kông kố cho kơdrâm, rơxế container prôk lăm ga hên laga nôkố kông hiăng tro tơ’nhê ó ‘nâng tá hâi châ rơnêu. Troăng ăm rơxế prôk [a\ meăm xua mê drêng rơxế pơto sok, klêi mê rơxế ki ‘nâ lăm ok têa, mê mâu vâi o ối ku\n prôk hluâ pơrá hliâk, kơtong, thăm nếo tơđôu chêng, tơđôu ko\ng troh nôkố ôh tá chiâng vâ prôk lăm’’.

Môi to meăm a tung dế kông hiăng klêh

Kông meăm Phú Hội nôkố cho kông mot a kơpong hngêi kơmăi Phú Hội [a\ kum tung tơdroăng pơto tơmeăm khoăng dêi mâu khu tê mơdró xuân môi tiah prôk lăm, pêi chiâk deăng dêi lối 5 rơpâu ngế kuăn pơlê dêi mâu thôn peăng hdroh têa kroăng Dà Nhim.

Tiô pôa Đào Xuân Tiến, Kăn hnê ngăn Vi [an cheăm Phú Hội, kơ’nâi mê tơmâng xo rơkong tơpui dêi kuăn pơlê, kơ koan cheăng dêi tơring Đức Trọng [a\ Khu pơkuâ kơpong hngêi kơmăi Phú Hội hiăng chu lăm séa ngăn, rơnêu. Laga bu châ môi pơla mê kông tơ’nhê nếo.

‘’Pâ thế pơla râ cheăm, râ tơring pơtối rơnêu kông ki kố, rơnêu kông kố, kum ăm tơdroăng prôk lăm, pêi chiâk deăng dêi vâi krâ kuăn pơlê. Xua pêi kơphế tung 3 thôn K’Nai, Lạc Lâm, Lạc Nghiệp cho hên, rơxế prôk lăm pơto tơmeăm rêm hâi, phon rơvât há ga hên ‘nâng’’.

            Tuấn Anh chêh

            A Sa Ly tơplôu [a\ tơbleăng