VOV4.Sêdang - Kơxo lơ 27 khế 10, tơring Lâm Hà, kong pơlê Lâm Đồng hiăng tơku\m po kân krip leh tơbâ 30 hơnăm hâi mơjiâng tơring lơ (28/10/1987-28/10/2017).

Pơxiâm mơjiâng troăng prôk xua Pơlê kong kân Hà Nội kum

Tơring Lâm Hà châ mơjiâng tung kơpong cheăng kâ ki nếo dêi mâu ngế Hà Nội [ă mâu kuăn pơlê ối a tơring Đức Trọng, kong pơlê Lâm Đồng. Hiăng luâ 30 hơnăm mơjiâng [ă mơnhông mơdêk, tơring Lâm Hà hiăng hlo rế hía rế hơ’lêh, pêi châ tơkâ hluâ tơdroăng pơcháu, chiâng môi tung mâu kơpong cheăng kâ ki xiâm dêi kong pơlê.

Tơring hiăng mơjiâng chiâng kơpong ki hmâ pêi chiâk pêi deăng, [ă lối 40 rơpâu ha kơphế, vâ chê 2 rơpâu ha loăng yâu [ă lối 300 ha chế, 220 ha kơchâi, reăng pêt mơjiâng tiô kơmăi kơmok chal nếo.

Tơring ai 32/85 hngêi trung châ tiô tơdroăng pơkâ tơnêi têa, tâi tâng16 to cheăm, pơlê kân pêi tro tiô pơkâ dêi tơnêi têa ‘na khăm pơlât, [ă ai 5 to cheăm pêi tiô pơkâ mơjiâng thôn pơlê nếo. Pêi lo liăn rêm ngế châ 47 rơtuh/1 hơnăm, rơpo\ng kơtiê chu kơdroh ối 5%.

Tung pơla hdrối nah, pơlê kong kân Hà Nội hiăng to\ng kum, ‘no liăn ăm tơring Lâm Hà lối 30 kế tơmeăm châ mơjiâng pro, tơdroăng tơkêa bro, roê xúa hên kế tơmeăm, [ă tâi tâng kơxo# liăn tâk lối hr^ng rơtal liăn.

Klêi kơ’nâi hâi leh tơbâ, khu kăn pơkuâ kong pơlê Lâm Đồng [ă pơlê kong kân Hà Nội hiăng veăng a leh pơxiâm pro troăng prôk mot ngi cheăm Tân Văn troh a Phúc Thọ dêi tơring Lâm Hà. Troăng prôk kố ai tâi tâng kơxo# liăn ‘no pro 20 rơtal xua pơlê kong kân Hà Nội veăng kum.

Katarina Nga tơplôu [ă tơbleăng