A mâu tíu ôm hyô ô eăng má môi dêi pơlê kong kơdrâm Đà Lạt môi tiah Kơdrum reăng pơlê kong kơdrâm, Thung lũng tình yêu… xuân mơhnhôk hên tơmối troh lăm ngăn. Mơhé mê tâi tâng mâu tơmối ôm hyô [a\ mâu ngế tơbleăng tíu ăm tơmối ôm hyô pơrá truâ kên pâng môh vâ hbrâ mơdât pơreăng.

Tơmối ôm hyô Lê Ngọc Anh lo ing pơlê kân Cầu Giấy, pơlê kong kân Hà Nội tối, ahdrối troh a Lâm Đồng nâ hiăng ti tăng ple\ng tơdroăng ‘na pơrea\ng kố a kong pơlê kố. Nâ xuân hiăng hbrâ tu\m kên pâng môh, têa ki xôh kơdê pơrea\ng drêng pơxiâm vâ lăm ôm hyô.

‘’Đà Lạt kong prâi cho rơngiâp le\m, má péa nếo akố kong kế le\m mơnâ mâ ngăn xua mê á rah troh akố vâ ôm hyô. Drêng troh akố á xuân xâu môi iâ xua kơpong ôm hyô xuân ai hên mơngế lo ing kong têa ê troh ki má lối cho mơngế kong têa ê. Xua mê á đi đo mơ-eăm pâng môh drêng ối a tíu tơdjuôm pơlê pơla’’.

Kum veăng rak tơniăn le\m ăm tơmối ôm hyô, mâu hngêi ăm tơmối kâ koi ối pơtê a Đà Lạt pơrá hbrâ tu\m kế tơmeăm hbrâ mơdât pơrea\ng, [a\ pêi pro kơtăng tơdroăng tơbleăng ivá châ chăn tiô pơkâ. Ngoh Nguyễn Đình Quân Huy, Kăn pơkuâ kơpong ăm tơmối kâ koi ối pơtê Green Land, ối a bêng 3, pơlê kong kơdrâm Đà Lạt tối ăm ‘nâi: Drêng ai tơdroăng ‘na pơrea\ng Covid – 19, khu pơkuâ tíu ăm tơmối kâ koi ối pơtê hiăng tơbleăng ‘na hbrâ mơdât pơrea\ng ăm mâu ngế pêi cheăng, rơtế [a\ tơdroăng tơniăn kế tơmeăm khoăng.

‘’Vâ hbrâ mơdât pơrea\ng ăm tơtro tâ á hiăng tơku\m xôh pơkeăng kơdê pơrea\ng, xing xoăng ki pâng môh ăm tơmối. Tíu ăm tơmối kâ koi ối pơtê hiăng mơjiâng môi khu séa ngăn châ chăn ăm tơmối [a\ kô tơbleăng tơdrêng ăm khu râ kăn pơkuâ [a\ khu pơkuâ ngăn pơkeăng [a\ khăm pơlât  a kong pơlê drêng ai tơmối ôm hyô tro tâ pơrea\ng’’.

Tiô jâ Nguyễn Thị Bích Ngọc, Pho\ pơkuâ ‘na mơhno túa le\m tro – tơ’noăng ivá [a\ ôm hyô kong pơlê Lâm Đồng, tung pơla kố, hnoăng cheăng ki kal dêi kơvâ ôm hyô Lâm Đồng xuân cho tơniăn pêi pro kơtăng mâu hnê mơhno, djâ troăng ‘na hbrâ mơdât pơrea\ng Covid – 19. Kong pơlê xuân đi đo tối ‘na tơdroăng mơdât pơrea\ng ing kơ koan cheăng vâ tơmối ôm hyô tơniăn drêng troh Lâm Đồng ôm hyô, ối pơtê lăm xah hêi.

‘’Nôkố troăng tơ-[ai ing mâu kong pơlê troh a Đà Lạt dế kơdroh yă sap ing 30 troh 50%, kố cho roh vâ mâu ko\ng ti pêi ‘na ôm hyô pơtối po rơdâ pêi. Ngin hiăng pêi cheăng [a\ mâu tíu pêi ôm hyô môi tiah ôu kâ, ối pơtê, lăm xah ôm hêi ai mâu troăng hơlâ ‘na kơdroh liăn vâ mơhnhôk tơmối troh. Pơtih môi tiah a mâu tíu ôm hyô ai kơdroh yă ăm mâu tíu ki mơhnhôk tơmối troh’’.

Tuấn Anh chêh

A Sa Ly tơplôu [a\ tơbleăng