Mơdoh chôu phut pơtê hâi dế, séa ngăn kơdrum kơchâi drêh [a\ rak ngăn dêi mâu kơ’noăng pêt tro\ng prâp kơtốu hên vâ pơcháu ăm ngế tê mơdró tro roh krí tê tung kơchơ mơdró rơnó Hơngui nếo, Ya Dũng, Kăn pơkuâ thôn Labouye A, cheăm Lạc Xuân, tơring Đơn Dương, kong pơlê Lâm Đồng) tối, klêi kơ’nâi Têt, tơdroăng cheăng mơngế pêi chiâk deăng pơtối pêi drêng lo hơnăm nếo, hên tơdroăng phiu ro.

Ya Dũng tối ăm ‘nâi, xua hlo tơdroăng pêt to báu tiô khôi vâi krâ nah dêi rơpo\ng [a\ vâi krâ tung pơlê ôh tá châ tơ-[rê hên, pêi lo liăn ôh tá tơniăn, kơklêa kơtiê đi đo xua mê ngoh khên tơnôu hơ’leh pêt kơchâi drêh tiô troăng pêi chiâk deăng xúa kơmăi kơmok rơxông nếo. {a\ 4 sao tơnêi pêt kơchâi drêh tu\m túa, tung rơnó apoăng rơpo\ng ngoh châ liăn tơkâ 150 rơtuh liăn. Tiô Ya Dũng, châ tơ-[rê kum rơkong tơpui, pơtâng tối, mơhnhôk dêi môi ngế kăn [o# môi tiah ngoh, châ vâi krâ loi tơngah tơmâng tiô:

‘’Á mơ-eăm hriâm hên tíu, ôh tá xê akố mê a hên tơring ki ê. Hriâm ngăn vâi pêt loăng plâi kố, hdrê kố hdrê tá. {a\ hnoăng cho môi ngế ối nếo châ vâi krâ loi tơngah ngăn cho ngế loi tơngah nhuo#m pâ, cho kăn Ho#i đong mê thế mơ-eăm hriâm, ti tăng ple\ng mâu troăng nếo vâ pêt, hdrê nôkố á dế pêi cho pêi tiô troăng nếo. Xua vâi krâ vâ rơtế dêi pó mơjiâng pơlê tơná mơnhông tơtêk rế hía rế xông mơdêk’’.

Thôn Labouye A, cheăm Lạc Xuân, tơring Đơn Dương, Lâm Đồng ai vâ chê 130 rơpo\ng, tung mê lối 70% kuăn pơlê cho mơngế hdroâng kuăn ngo K’ho. Hlo châ tơ-[rê ing túa pêi pêt dêi Ya Dũng, vâi krâ tung pơlê pơxiâm hriâm [ối [a\ xúa pêi tiô. Troh nôkố, tâi tâng [a\ng tơnêi pêt tung pơlê pơrá hiăng châ hơ’leh pêt kơchâi, plâi pôm tu\m túa. Mơdêk pêi lo liăn xua mê hên rơpo\ng hiăng hluăn ing kơtiê, mơ-eăm hơ’leh tơdroăng rêh ối.

Tiô pôa Ya Dũng, kăn thôn, túa pêi kâ dêi Labouye A hiăng châ tơtêk xo\n tâng pơchông [a\ hdrối nah. Vâi krâ hiăng chiâng xúa khoa hok kih thuât, pêi chiâng rơkê, pêi lo tơmeăm le\m. Vâ mơnhông mơdêk tâ mê, Ya Dũng xuân tối, kal thế hơ’leh tung tơdroăng kơchơ tê mơdró, thế chiâng tơru\m kuăn pơlê pêi chiâk deăng vâ pêi tiô pơkâ vâ tíu tê tơniăn.

Xua mê la ngiâ, ngoh kô pơtối djâ troăng ahdrối tung tơru\m [a\ mâu khu tơru\m cheăng tung cheăm vâ tăng troăng prôk nếo ăm kuăn pơlê.

‘’Krê á, la ngiâ kô ti tăng ple\ng [a\ veăng Khu tơru\m cheăng vâ tơniăn tíu tê tơmeăm, kơ’nâi mê mơhnhôk tơ’nôm hên rơpo\ng rơtế mot khu tơru\m cheăng môi tiah á. Ai khu tơru\m cheăng, ai tơru\m pêi mê rêm ngế kô rơtế mơnhông mơdêk tơniăn tâ’’.

Tiô pôa Cruyang Cơ Long, Kăn pho\ pơkuâ hnê ngăn Đảng cheăm Lạc Xuân, tơring Đơn Dương, Lâm Đồng, ôh tá xê to djâ troăng tung pêi cheăng kâ, Ya Dũng ối cho ngế châ kuăn pơlê loi tơngah tung pơlê [a\ djâ troăng ahdrối tung pêi pro mâu tơdroăng xua pơlê mơhnhôk, ki rơhêng vâ tối cho mâu tơdroăng tâi tâng kuăn pơlê kring vế, gak ngăn tơnêi têa, kum dêi pó xăm kơklêa, kơdroh kơtiê, tơdjuôm ivá mơjiâng thôn pơlê nếo [a\ hía hé.

Xua mê, đảng viên hơnăm ối nếo Ya Dũng đi đo châ Đảng [o# [a\ khu râ kăn pơkuâ kheăn kơdeăn hôm khât.

‘’Ya Dũng cho đảng viên, kăn pơkuâ thôn [a\ cho kăn Ho#i đong kuăn pơlê 2 râ. Á hlo Ya Dũng cho môi đảng viên, đi đo djâ troăng ahdrối tung pêi pro [a\ mơhnhôk kuăn pơlê tung pêi pro mâu tơdroăng dêi pơlê cheăm. Ki rơhêng vâ tối, Ya Dũng mơ-eăm chiu pá, hriâm [a\ xúa kơmăi kơmok tung pêi chiâk deăng, kơ’nâi mê mơhnhôk kuăn pơlê tung thôn rơtế pêi [a\ châ tơ-[rê hên, kum rơtế pơlê mơjiâng pơlê tơná rế hía rế mơnhông tơtêk’’.

{a\ châ tơ-[rê hên, mâu hơnăm hiăng hluâ, Ya Dũng châ [âng kheăn kơdeăn dêi Đảng [o#, khu râ kăn pơkuâ tơring, kong pơlê [a\ [a\ng kheăn kơdeăn dêi Khu hnê mơhno Tây Nguyên xua châ tơ-[rê hên tung tơdroăng mơjiâng thôn, pơlê, tôh kơpho# krá tơniăn.

Quang Sáng chêh

A Sa Ly tơplôu [a\ tơbleăng