VOV4.Sêdang - Drêng tơbâ 40 hơnăm rôh tơplâ rak vế tíu tơkăng kong peăng kơnho\ng hâi lơ (17/2/1979 – 17/2/2019), hâi lơ 13/2, Khu ngăn mố đo#i hơnăm hiăng krâ kong pơlê Lào Cai hiăng tơku\m po chôu nhâng tơbâ mâu Ngoh khên tơnôu a ilâng kiâ mố đo#i bêng Nam Cường, pơlê kong kơdrâm Lào Cai. Rơtế tung hâi ki mê, Khu kố xuân hiăng lăm pôu, kơ-êng, hbruô tơmeăm ăm khu mố đo#i hơnăm hiăng krâ ki hdrối nah hiăng veăng tung rôh tơplâ nôkố dế rêh ối a pơlê kong kơdrâm Lào Cai.

Drêng kố, Khu ngăn mâu mố đo#i hơnăm hiăng krâ sap ing kong pơlê troh a tơring, cheăm hiăng hbrâ lối 700 hnoăng, kế tơmeăm pơtroh ăm khu mố đo#i hơnăm hiăng krâ ki ai hnoăng tung rôh tơplâ a tíu tơkăng kong peăng kơnho\ng, tơdrêng amê hnối pơtối séa ngăn, mơdêk tối tơbleăng, tơmâng ngăn, to\ng kum mâu ngế tiô troăng hơlâ pơkâ.

Katarina Nga tơplôu [ă tơbleăng