VOV4.Sêdang - Kơmăng lơ 24/10, Leh diâp pri Hlá tơbeăng Tơnêi têa roh má 15 hiăng tơkŭm po a Hngêi mơhno túa lĕm tro Pêi cheăng tơrŭm cheăng Việt Xô, Hà Nội. Kố cho pri tiah hmâ rêm hơnăm kân má môi, loi tơngah má môi dêi mơngế chêh hlá tơbeăng tung lâp tơnêi têa. Troh veăng ai pôa Nguyễn Xuân Phúc, Kăn xiâm hnê ngăn tơnêi têa rơtế mâu kănpơkuâ Đảng, Tơnêi têa. Pri hlá tơbeăng Tơnêi têa roh má 15 – hơnăm 2020 châ mơnhên kơxô̆ mơngế chêh, ƀai chêh veăng kân má môi sap ing hdrối nah troh nôkố, ƀă lối 1.800 ƀai chêh troh ing 63/63 Khu chêh hlá tơbeăng kong pơlê, pơlê kong kơdrâm. Tung mê, 150 ƀai chêh châ mot roh rah xo má mơ’nui. Kố cho roh apoăng Hô̆i đông pri hlá tơbeăng Tơnêi têa hiăng rah châ 1 pri ki phá tơ-ê, rơtế ƀă mê, Hô̆i đông hiăng diâp 9 pri A, 25 pri B, 45 pri C ƀă 32 pri Mơhnhôk ăm mâu ƀai chêh hlá tơbeăng. Rơ’jíu Việt Nam phiu ro châ tơdah 3 pri B, 1 pri C ƀă môi pri mơhnhôk.

A Sa Ly tơplôu ƀă tơbleăng