Ai 163 ngế ki châ ô eăng cho mâu ngế ki châ kuăn pơlê loi nhuo#m, mâu ngế ki kơhnâ rơkê ối tung 45 hdroâng kuăn ngo a 38 kong pơlê, pơlê kong kân tơkăng kong tơnêi [ă chuăn têa kơx^ hơnăm 2018. Kố cho mâu ngế ki châ kuăn pơlê loi nhuo#m kơhnâ rơkê tung rak vế troăng tơkăng kong, veăng rak gâk kring tơniăn, hbrâ mơdât mâu ngế ki pro xôi tung pơlê pơla, mâu ngế ki pro xôi a tíu tơkăng kong, mơnhông mơdêk cheăng kâ, rak vế, mơdêk khôi túa le\m tro kơpong hdroâng kuăn ngo. Cho mâu ngế ki djâ troăng ahdrối tung pêi pro châ tơ-[rê mâu troăng hơlâ dêi Đảng, luât dêi Tơnêi têa [ă hên ki ê.

Pôa Pơ Loong Jím, krâ pơlê, hdroâng kuăn ngo Kơtu, cho krâ pơlê ki châ vâi loi nhuo#m dêi pơlê A Rần 1, cheăm A Xạn, tơring Tây Giang, kong pơlê Quảng Nam, châ kuăn pơlê tung pơlê loi nhuo#m, ôh ti xê xua tơdroăng ki rêh ối rơtế [ă vâi krâ nho\ng o tơkâ luâ xơpá kơtiê, mê ối mơhno\ng pleăng dêi báu prá alâi, tơnêi pêi kâ vâ pro troăng prôk tung thôn pơlê, kơpong tơdroăng cheăng dêi pơlê pơla, kum mơdêk ăm pơlê cheăm hluăn ing kơtiê, hluăn ing tơdroăng ki ôh tá tro, mơjiâng thôn pơlê nếo. Pôa Pơ Loong Jím, krâ pơlê ăm ‘nâi:

‘’Hôp [ă khu pơkuâ ngăn tíu tơkăng kong môi khế môi hdroh, athế séa ngăn tơneăn tâp hdró tơkăng kong. Tơnêi têa hnê mơhno tiah lâi mê pin athế pêi pro môi tiah mê. Hmâng rơkong dêi tơnêi têa mê athế pôi tá ko ‘nhiê kong, pôi tá ko kếo loăng, rak vế loăng pơmu, rak vế kong ki hiăng krâ, kong rak kơnho\ng têa pôi tá ko ‘nhiê pro klâng’’.

Pôa Cao Văn Đen, kăn pơkuâ chi [o# thôn Cầu Gẫy, cheăm Vĩnh Hải, tơring Ninh Hải, kong pơlê Ninh Thuận cho môi ngế ki djâ troăng ahdrối ‘na mơnhông mơdêk cheăng kâ ăm vâi krâ nho\ng o pêi pro [ối. Pôa cho ngế ki khên tơnôu pêi túa pơkâ păn chu prăng ki hên. Kố cho tơdroăng ki tiah hmâ dêi vâi krâ nho\ng o kơpong kong ngo, xúa châ mâu kế tơmeăm ki pêi lo ing chiâk deăng, re\ng pêi lo liăn hên tâng vâ pơchông [ă păn mơnăn mơnoâ mâu ki ê. Kăn pơkuâ chi [o# Cao Văn Đen tơru\m krá tơniăn [ă kuăn pơlê a tơring, cheăm kố xuân cho cheăm ki tâi tâng cho hdroâng kuăn ngo, pôa hnê ăm vâi krâ nho\ng o ki rơkê ple\ng tung păn mơnăn, kum hdrê, kum liăn ăm vâi krâ nho\ng o ki xơpá mơnhông mơdêk cheăng kâ:

‘’Vâ mơhnhôk vâi krâ nho\ng o tung thôn pơlê pêi pro troăng hơlâ dêi Đảng môi tiah tơdroăng ki mơnhông mơdêk cheăng kâ rêh ối, rak vế kring tơniăn. Ing mê, vâ rak vế kong tơnêi têa Núi Chúa dêi tơring Ninh Hải. Tơring ngin kơnôm ai troăng hơlâ dêi tơnêi têa, tung mê châ khu mố đo#i gâk tơkăng kong thôn Vĩnh Hy tơru\m [ă vâi krâ nho\ng o thôn Cầu Gẫy, cheăm Vĩnh Hải, ing mê tơdroăng gâk kring tơniăn, mơjiâng pơlê, cheăm tro tâ’’.

Pôa A Blong, krâ pơlê a pơlê Le, cheăm Mang Mrái, tơring Sa Thầy, kong pơlê Kon Tum đi đo djâ troăng ahdrối tung pêi cheăng kâ, mơnhông mơdêk rêh ối pơlê pơla, xut tah hrâ mơnguâ kơtiê xơpá, mơhnhôk vâi krâ nho\ng o mâu hdroâng kuăn ngo Rơteăng, Bơhnéa, Jeh -Triêng, Jarai, Brâu [ă Rơ Mâm tung kong pơlê xúa khoa hok kih thuât, hơ’lêh pêt mâu hdrê loăng, mơnăn păn [ă túa pơkâ pêi cheăng châ tơ-[rê. Rêm hâi, pôa troh tơrêm hngêi, mơhnhôk vâi krâ nho\ng o pêi dêi kơdrum tơnêi, tơnêi ki a ngo l^ng vâ mơdêk [ăng tơnêi pêt loăng, pôi tá ko ‘nhiê kong pro chiâk deăng, pôi tá xe#n ối hmâng vâ lơ tơkâ luâ ngi kong têa ê ôh tá tro luât. Pôa A Blong, krâ pơlê ăm ‘nâi:

‘’Á hnê tối ăm vâi krâ nho\ng o pêi pro tro troăng hơlâ pơkâ dêi Đảng, luât dêi tơnêi têa, rak ngăn troăng tơkăng kong, tơneăn tâp hdró tíu tơkăng kong pro tiah lâi vâ pơla Việt Nam – Kul pôi tá hdi xo dêi rơpó ôh tá tro luât, athế tơru\m pơla péa tơnêi têa. Tơring tơru\m [ă tơring, cheăm tơru\m [ă cheăm, pơlê tơru\m [ă pơlê dêi péa tơnêi têa. Túa pêi pro mê pin djâ troăng ahdrối vâ vâi krâ nho\ng o tung mơjiâng cheăng kâ, lăm rak ngăn tơneăn tâp hdró tơkăng kong [ă hên ki ê’’.

Rêm ngế krâ pơlê, kăn pơkuâ thôn, kăn pơkuâ chi [o# ki châ kuăn pơlê loi tơngah cho môi tíu ki loi tơngah ăm vâi krâ nho\ng o tung thôn pơlê mâu kơpong tíu tơkăng kong, chuăn têa kơx^. Kố xuân cho mâu ki xiâm vâ mơdêk cheăng kâ rêh ối, rak vế khu tơru\m tâi tâng kuăn pơlê, rak vế gâk kring tơniăn tung pơlê, cheăm, rak vế troăng tơkăng kong, tơneăn tâp hdró tíu tơkăng kong a tíu ki xing xoăng dêi Tơnêi têa.

Nguyên Nhung chêh

Katarina Nga tơplôu [ă tơbleăng