VOV4.Sêdang - Kong xêi lơ 24/2, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hôp mâu kăn tung Chin phuh ‘na liăn ngân Tơnêi têa pêi pro tơdroăng rak ngăn tơmeăm mơjiâng troăng rơxế lơ treng tơnêi têa, môi tơdroăng cheăng châ ngế xiâm pơkuâ ko\ng ti Troăng xế lơ treng Việt Nam pêi pro sap ing hdrối nah troh nôkố.

Pôa  Nguyễn Xuân Phúc, Ngế pro xiâm hnê ngăn pơkuâ hneăng hôp

Klêi tơmâng mâu tơdroăng hnê tối, Ngế pro xiâm hnê ngăn tơnêi têa tối nhên, kring vế tơniăn troăng rơxế lơ treng cho tơdroăng ki kal, tơdjâk troh rak vế ivá, tơmeăm khoăng kuăn pơlê. Kơvâ ngăn ‘na troăng rơxế lơ treng ai hên tơdroăng ki krê, tơdjâk hên troh ‘na luât mê cho luât Liăn ngân, Tơmeăm tơnêi têa, Luât troăng rơxế lơ treng, ai troăng ki mơgăn, hơlâ troăng ki tăng po tơkâ luâ troăng rơxế lơ treng pá tơvâ tơvân hên tơdroăng.

Ngế pro xiâm hnê ngăn Chin phuh pơkâ thế Khu xiâm ngăn troăng prôk rơxế kơtâu, khu xiâm ngăn ‘na liăn rơtế [ă mâu kăn [o# xiâm, kơvâ cheăng tơdjâk troh môi tuăn ai troăng hơlâ pêi pro re\ng tăng troăng tah ki xahpá ‘na liăn rak ngăn, liăn mơjiâng pro troăng rơxế lơ treng tơnêi têa, ôh tá chiâng tơdjâk troh tơdroăng rêh ối troh mâu ngế pêi cheăng, hlối rak tơniăn tro, pêi tro pơkâ ‘na luât, tâng lơ kal thế tơbleăng ăm râ kơpêng tiô tơdroăng hiăng pơkâ.

Gương tơplôu [ă tơbleăng