VOV4.Sêdang - Riên ta troh kong xêi lơ 28/2, 5 to kong pơlê a kơpong Tây Nguyên xuân hiăng ai pơkâ hơ’leh hâi hriâm dêi rêm râ hriâm. Ngăn a tơdroăng hnê tối dêi mâu khu xiâm, kơvâ cheăng [ă Khu hnê mơhno plâ mơdât pơreăng. Mâu kong pơlê kơpong Tây Nguyên hiăng pơkâ  hơ’leh hâi hriâm: kong pơlê Lâm Đồng ăm vâi muăn ki tro hơnăm châ păn roăng, mầm non [ă hok tro râ má môi, má péa pơtối pơtê hriâm tá troh tâi lơ 8 khế 3; hok tro râ má pái, sinh viên mâu hngêi trung [ă mâu hngêi trung hnê hriâm pơxiâm hriâm nếo sap lơ 2/3/2020.

Kong pơlê Dak Nông hiăng pơkâ ăm hok tro sap mầm non troh râ má péa pơtối pơtê troh lơ 8/3. Hok tro râ má pái, hngêi trung giáo dục thường xuyên, hngêi trung hnê cheăng pêi lăm hriâm sap lơ 2/3/2020. A kong pơlê Dak Lak, hok tro râ má pái, mâu ki hriâm giáo dục thường xuyên kô hriâm sap hâi lơ 2/3, hok tro mầm non troh râ má péa pơtê tơ’nôm 1 măng t^ng nếo, ta troh lơ 7/3 nếo hriâm.

Kong pơlê Gia Lai xuân ăm hok tro râ má pái phôh thong, mâu ngế hriâm giáo dục thường xuyên, sinh viên lăm hriâm sap lơ 2/3; hok tro râ mầm non, râ má môi [ă má péa pơtối pơtê tơ’nôm 1 măng t^ng nếo ta troh lơ 8/3 ah.

Kong pơlê Kon Tum ăm hok tro râ má pái phôh thong, sinh viên, mâu hngêi trung giáo dục thường xuyên, hngêi trung hnê cheăng pêi hriâm sap lơ 2/3. {ă râ mầm non, râ má môi, râ má péa pơtối pơtê ta troh hâi lơ 8/3/2020.

Gương tơplôu [ă tơbleăng