VOV4.Sêdang -  Hâi kố, lơ 5/9, rơtế [a\ lâp tơnêi têa, mâu kong pơlê kơpong Tây Nguyên rơtế tơku\m po leh pơxiâm mot hơnăm hriâm nếo, [a\ mâu ‘’leh’’ [a\ ai tá ‘’tơku\m xah hêi’’.

Krê râ mâm non tơku\m po tiô troăng ‘’Hâi pơxiâm troh hngêi trung dêi vâi hdrêng’’. Peăng ‘’leh’’ châ tơku\m po tiô khôi hmâ, tơtro vâ mơdoh chôu ăm ‘’Xah hêi’’, pro vâi hdrêng hâk vâ mot hơnăm hriâm nếo.

A kong pơlê Gia Lai, 745 to hngêi trung [a\ vâ chê 400 rơpâu ngế hok tro rêm râ hiăng mot măng t^ng hriâm ki apoăng. A kơpong hdroâng kuăn ngo, tơdroăng mơhnhôk hok tro troh hngêi trung pơtối châ tơtro\ng, pêi pro kơhnâ khât. {a\ hok tro râ má péa [a\ râ má pái, kong pơlê Gia Lai hiăng tơku\m po pơtroh lối 50 ngế thái cô pơla mâu hngêi trung ki rơlối – tá hâi tu\m vâ tơniăn tu\m thái cô hnê tiô pơcháu.

Hơnăm hriâm nếo, lâp kong pơlê Kon Tum ai 537 to hngêi trung, tíu hnê hriâm, tâk 1 to hngêi trung mâm non krê [ă tâk 7 tíu hnê hriâm ăm vâi ‘ne\ng kuăn pơlê tâng vâ pơchông [ă hơnăm hdrối.

Tâi tâng kơvâ cheăng hiăng ‘no liăn mjơjiâng pro nếo 128 to lâm hriâm, 237 to hngêi tidế, pro nếo 64 troăng kơmăi mơ’no têa krúa [ă mâu [ơrô chăng ki ê [ă tâi tâng kơxo# liăn ‘no vâ chê 140 rơtal liăn.

Rôh apoăng hơnăm hriâm nếo, tâi tâng mâu hok tro kuăn ‘ne\ng rơpo\ng kơtiê châ to\ng kum liăn ki nâp hriâm vâ rôe mâu hlá mơ-éa hriâm, hlá mơ-éa chêh, loăng chêh [ă tơmeăm xúa tung hriâm.

{ă hok tro kuăn ngo ôh tá xê rơpo\ng kơtiê, mâu hngêi trung hiăng hbrâ hdrối, krếo thế mâu hngêi trung a kơpong ki tơ’lêi hlâu, khu cheăng ngăn ‘na mơhnhôk hriâm, khu mơdró veăng kum liăn rôe hlá mơ-éa chêh, mơ-éa hriâm vâ kum ăm vâi o hok tro.

Troh nôkố, lâp kong pơlê Dak Nông ai 50/148 hngêi trung râ má môi châ tơtro tiô pơkâ dêi tơnêi têa. Pơkâ xiâm dêi kơvâ hnê hriâm mơ’no cho rêm hơnăm tâk tơ’nôm 3 to hngêi trung châ tơtro tiô pơkâ dêi tơnêi têa.

Troh hơnăm 2020, lâp kong pơlê Dak Nông mơ-eăm ki vâ iâ tơdế hngêi trung râ má môi a 7 to cheăm tíu tơkăng kong [a\ tâi tâng hngêi trung râ má môi ối tung 20 cheăm mơjiâng thôn pơlê nếo tơtro tiô pơkâ dêi tơnêi têa.

Pak^ng liăn ngân dêi tơnêi têa, Dak Nông hiăng thăm hơ’lêh tung pơlê pơla, mơhnhôk pơlê pơla veăng kum, nôu pâ hok tro [a\ mâu khu ki to\ng kum vâ tơmeăm hnê hriâm ai tu\m, krúa le\m, tơdrêng amê, tơtro\ng thăm mơnhông hnê  hriâm.

Drêng troh hơnăm hriâm nếo, a pơlê kong kơdrâm Đà Lạt, kong pơlê Lâm Đồng hiăng tơku\m po tơpui ‘’Khoa hok [ă Tơdroăng hnê hriâm trâm mâ Việt Nam’’ hiăng diâp ăm 179 hnoăng liăn Vallet ăm hok tro, sinh viên ki rơkê dêi mâu kong pơlê kơpong Tây Nguyên [ă 2 to kong pơlê Khánh Hoà, Ninh Thuận.

Mê hiăng diâp hnoăng liăn ăm sinh viên mâu hngêi trung: Đại học Tây Nguyên, Đại học Nha Trang, Đại học Đà Lạt [ă mâu sinh viên kong pơlê Lâm Đồng dế hriâm a Pơlê kong kân Hồ Chí Minh, rêm hnoăng liăn ai 17 rơtuh liăn; 154 hnoăng liăn mơhá ăm mâu hok tro dêi mâu hngêi trung phôh thong mâu kong pơlê kơpong Tây Nguyên [ă 2 kong pơlê Khánh Hòa, Ninh Thuận, rêm hnoăng liăn mê kơnâ 10 rơtuh. Tâi tâng ki kơnâ rôh diâp hnoăng liăn a Đà Lạt vâ chê 2 rơtal liăn.

Tiô ăm ‘nâi, hơnăm kố, tơdroăng mơhá hnoăng liăn Vallet diâp ăm 2.200 hnoăng ăm mâu hok tro, sinh viên hriâm rơkê tung lâp tơnêi têa [ă ăm mâu vâi o a pơlê S.O.S Việt Nam [ă tâi tâng kơxo# liăn kơnâ 25 rơtal liăn.

Gương prế A Sa Ly tơplôu [a\ tơbleăng