Hâi apoăng mot hơnăm nếo, ngoh Đinh Văn Êm, hdroâng Bơhnéa, mơngế pơlê Tonh, cheăm Kon Pne chôu dêi kơdrâi kuăn [ă rơxế lăm rơkâu Têt nôu pâ ki mơjiâng ối a cheăm Đăk Roong. Pơla troăng vâ chê hngêi 25km troăng tơkâ luâ [ăng kong kân rơngiâp, troăng kân mê ok [ê tong krá kâk. Ngoh Đinh Văn Êm, tối, troăng ki púi ngah sap ing ton nôkố hiăng hlo ai khât:

‘’A đi đo prôk a troăng kố. Hdrối nah, troăng ki kố prôk pá puât, malối cho rơnó mêi, hliâk llêi, to rơxế hon đa prôk klêng prôk tê. Nôkố troăng kân hiăng châ ‘no liăn mơjiâng pro, prôk vêh tơ’lêi. Mơnê kơ Tơnêi têa  hiăng kum pro troăng ăm kuăn pơlê vâ prôk vêh tơ’lêi tiah kố’’.

Kon Pne [ă Đăk Roong cho péa to cheăm ki kơtiê xahpá, hơngế má môi dêi tơring K[ang. Tâng sap ing cheăm Kon Pne prôk ngi tơring thế tâi 80km, a cheăm Đăk Roong hơngế tâ lối 55 km. Hdrối nah, tâi tâng troăng kân kố cho troăng tơnêi, prôk lăm pá puât, malối tung rơnó mêi. Troăng prôk pá, péa to cheăm Kon Pne [ă Đăk Roong vâi ngăn cho mâu ‘’ tíu ki chong kơ’vong’’ dêi tơring, tơdroăng cheăng kâ ôh tá mơnhông tơtêk.

Troăng prôk châ ‘no liăn mơjiâng cho vâ ăm mâu kơpong hngế hơngo dêi tơring K[ang, pơlê xiâm Pôa Nup-Ngế khên tơnôu mơnhông cheăng kâ, rêh ối

Pôa Đinh Nao, kăn hnê ngăn Vi [an cheăm Đăk Roong, ăm ‘nâi, troăng prôk pá puât mâu tơmeăm pêi lo pá vâ châ tê, [ă yă tê rơpâ, kuăn pơlê ki hên pêi cheăng bú vâ rêh kâ tê. Troh nôkố, troăng prôk tung cheăm Kon Pne, Đăk Roong tơdjêp troh a troăng kân Đông Trường Sơn châ ’no liăn mơjiâng pro, tơ’lêi tê mơdró. Ing mê, pro tơ’lêi hlâu vâ mơnhông kuăn pơlê pêi lo kế tơmeăm. Mâu loăng plâi môi tiah kơphế, tiu, lơ krui kơxái châ po rơdâ deăng pêt.

‘’Ai troăng kân prôk tơkâ luâ mê nôkố tơ’lêi hlâu, chơ tơmeăm, chơ dêi kuăn ‘ne\ng lăm hriâm klêi mê kuăn pơlê lăm tê mơdró, tê mơdró dêi tơmeăm tơ’lêi hlâu hên tâ tâng vâ pơchông [ă hdrối nah. Mơnê kơ Đảng, Tơnêi hiăng ‘no liăn pro troăng kân troh a cheăm’’.

Tơdroăng ki phiu ro xuân hiăng troh [ă kuăn pơlê a cheăm Sơn Làng [ă troăng kân xiâm tơkâ luâ troăng Đông Trường Sơn hiăng ‘no liăn ing kơxo# liăn dêi tơdroăng tơkêa bro săm kơtiê kơpong Tây Nguyên. Pôa Lê Duy Học, môi ngế lêng hơnăm hiăng krâ a thôn 1, cheăm Sơn Lang ăm ‘nâi, môi troăng ki tơ’lêi hlâu cho tơdroăng púi vâ plâ to lâi chât hơnăm hiăng luâ dêi kuăn pơlê tíu kố.

‘’A pêi cheăng akố troh nôkố hiăng châ 30 hơnăm. Troăng kố hdrối nah prôk lăm pá puât to trâp hliâk kuăn ‘ne\ng lăm hriâm, kuăn pơlê prôk lăm xahpá há, malối a rơnó xo tơmeăm ing chiâk prôk to kơtong tê. Nôkố châ tơnêi têa tơmâng to\ng kum mơjiâng pro troăng ăm kuăn pơlê, kuăn pơlê tâ phiu ro khât’’.

Mâu troăng prôk le\m kum ăm mâu pơlê ki hơngế hơngo dêi tơring K[ang hluăn tơdroăng ki ‘’pá’’ kơpong ki klong ôh tá tơ-[rê ‘na cheăng kâ

Pôa lê Công Ngôn, Kăn pho\ hnê ngăn Vi [an tơring K[ang, kong pơlê Gia Lai tung hên hơnăm kố, kơxo# liăn vâ ‘no mơjiâng pro troăng prôk a tơring kố bu iâ. Sap ai tơdroăng tơkêa bro xăm kơtiê kơpong Tây Nguyên tơbleăng, tơring hiăng ai tơ’nôm kơxo# liăn vâ tơru\m [ă mâu tơdroăng tơkêa bro ki ê dêi Tơnêi têa ‘no liăn pro mâu troăng prôk ai pơxúa khât a mâu cheăm kơpong hngế hngo, vâ mơnhông cheăng kâ rêh ối kuăn pơlê rế xông tơ-[rê:

‘’Sap ing ai Tơdroăng tơkêa bro xăm kơtiê kơpong Tây Nguyên tơbleăng pêi a tơring K[ang hiăng ‘no [ă veăng kum pro troăng ăm kuăn pơlê tơ’lêi prôk lăm, má péa tơ’lêi chơ tơmeăm. Hiăng kum pro tơ’lêi hlâu tung mơnhông cheăng kâ, tăng troăng mơdêk pêi lo tơmeăm dêi kuăn pơlê châ tơ-[rê tâ’’.

Môi rơnó Hơngui nếo dế troh a pơlê khên tơnôu Pôa Núp, tơdrêng [ă tơdroăng phiu ro drêng châ prôk a mâu troăng kân nếo. Mâu troăng kân ki nếo pro pro tơ’lêi hlâu vâ ăm mâu pơlê ki hơngế má môi dêi kong pơlê Gia Lai mơnhông dêi tơnêi, pơtối rak vế ki tơru\m môi tuăn khên tơnôu tung rôh tơplâ nah châ mơnhông cheăng kâ hluăn ing kơtiê [ă hriăn pêi cheăng vâ pro kro mơdro\ng.

Công Bắc chêh

Gương tơplôu [ă tơbleăng