Mâu kế tơmeăm rak ngăn ivá châ chăn, ki pro le\m châ ngiâ ki ai xiâm kối sap ing kong kế đi đo cho tơdroăng ki châ rah xo xiâm dêi rêm ngế tơmối. ‘Nâi nhên tơdroăng ki mê, nâ Phạm Thị Thu Hằng, a cheăm Ea Kly, tơring Krông Pa], ngế ki mơjiâng inâi Pam’s, hiăng mơdoh hên ivá, hâi khế vâ kúa pro chiâng mâu phom, kơlơn ki châ pro sap ing kế tơmeăm ki kơnía dêi Tây Nguyên, môi tiah: kơphế, krui kơxái, têa kơdruâ, malối cho têa rơmâ plâi [ơr.

Nôkố, Pam’s hiăng ai 5 túa tơmeăm ki xiâm cho phom, kơlơn ki châ pro ing kế tơmeăm kong kum ăm tơdroăng ki rak vế dêi châ chăn, kéa ngiâ ăm gá le\m. Rêm túa ai hên ki phá tơ-ê dêi rơpó ăm rêm kế xúa dêi mơngế, rêm túa ki rơhêng vâ xúa ki phá tơ-ê dêi mâu tơmối. Tối ‘na tơdroăng ki xúa têa rơmâ plâi [ơr pro phom, nâ Phạm Thị Thu Hằng tối:

‘’A kong pơlê Dak Lak dâng 3 hơnăm vêh ngi kố ai dâng 1 rơpâu ha tơnêi pêt plâi [ơr. Á ôh tá vâ tơdroăng ki tí tăng tíu tê plâi [ơr tung xo ah hmôi môi tiah kế tơmeăm pêi lo ing chiâk deăng ki ê. Xua mê, á rơhêng vâ po môi troăng prôk ki nếo ăm plâi [ơr loăng plâi xiâm dêi kong pơlê vâ mơjiâng pro chiâng hên túa tơmeăm ki le\m tâ [ă mơdêk ki kơnía dêi plâi [ơr, ăm hdrê loăng plâi [ơr ai troăng prôk ki nếo tung la ngiâ’’.

Nâ Phạm Thu Hằng tơbleăng mâu kế tơmeăm ki xua tơná mơjiâng pro a rôh po Hneăng hôp pơxiâm pêi cheăng hơ’leh nếo rơkê ple\ng Dak Lak

{ă nâ Vũ Thị Kiều Oanh, a cheăm Krông Jing, tơring MDrak, nâ mơnhên troăng prôk ki pơxiâm vâ pêi cheăng sap ing kơdrum hngêi dêi tơná. 2 hơnăm hdrối nah, nâ pơkâ ‘no liăn ‘mâi pro dêi 400 met karê tơnêi kơdrum, pro hngêi hlâm vâ pêt kơchâi krúa tiô pơkâ VietGAP.

Tơkâ luâ mâu tơdroăng xơpá ki apoăng môi tiah ôh tá ai liăn, ôh tá hlê ple\ng, kơhnâ rế pêi rế hriâm [ối ing ngế ki ê, troh nôkố, nâ hiăng mơjiâng Ko\ng ti pêi cheăng tiô rơnó pêi chiâk deăng krúa Kiều Anh Farm. Rêm hâi, Kiều Anh Farm tê dâng 30kg kơchâi krúa tu\m túa a kơchơ. Rêm k^ kơchâi tê sap ing 40 troh 60 rơpâu liăn, tiô kơ rơnó, kơnâ tâ yă tiah hmâ sap ing 10 troh 20%.

Nâ Vũ Thị Kiều Oanh lăm ngăn dêi kơchâi vâ pui xo a kơdrum

Nâ Vũ Thị Kiều Oanh, ăm ‘nâi, troăng mơnhông dêi ko\ng ti tung la ngiâ ah.

‘’Nôkố ngin dế tơmiât vâ pêi môi túa pơkâ ki kân tâ mê cho mơjiâng 1 farm ôm hyô a cheăm dêi tơná. Ing Farm ôm hyô kố, rêm ngế kô ‘nâi nhên tâ ‘na pêi chiâk deăng krúa cho pêi môi tiah lâi [ă tiah lâi Kiều Anh Farm pơxiâm pêi cheăng sap ing kơpong tíu kơtiê xơpá. Pơxiâm cheăng sap ing pêi chiâk deăng a tơring, cheăm ôh tá xơpá bu kal ai tuăn hiâm mơ-eăm há lơ ôh. Sap ing mê, pro ai pơxúa kơnía tâ ăm kế tơmeăm pêi lo ing chiâk deăng dêi cheăm’’.

Xuân môi tiah tơdroăng ki rơhêng vâ pro kro mơdro\ng sap ing kế tơmeăm ki ai hlâu dêi pơlê, cheăm, nâ Hoàng Thị Mỹ Tuyến a cheăm Hòa Thuận, Pơlê kong kơdrâm {uôn Ma Thuột hiăng lôi dêi tơdroăng cheăng pêi tơniăn a pơlê kong kân Hồ Chí Minh, vêh a Dak Lak po tíu ki mơjiâng pro kế tơmeăm [ă loăng ai inâi VietArt. Mâu kế tơmeăm dêi VietArt châ tơmối hâk vâ roê xua gá le\m, ki pơxúa [ă le\m ‘na kong prâi tơnêi tíu.

Ai mâu kế tơmeăm ki mơjiâng pro dêi Vietart

Ôh ti xê to kơchuâ chêh xêh, VietArt ối pro mâu kế tơmeăm tiô tơdroăng ki pơkâ thế dêi mâu tơmối. Troh nôkố, mâu kế tơmeăm dêi VietArt hiăng châ tê troh a kong têa Nhuk [ă Pơhlăng. Malối, drêng tơdroăng ki hbrâ mơdât hvât xok hmâng vâ châ pơkâ rơdêi, mâu kế tơmeăm triăng hrik ôu têa pro [a\ kơlá, uâng ki châ pro [ă loăng rế hía rế châ hên mơngế tăng troh vâ roê. Hvái ngăn troăng prôk ki pơxiâm pêi cheăng dêi tơná, nâ Hoàng Thị Mỹ Tuyến tối:

‘’Pơxiâm pêi cheăng a pơlê kong kơdrâm kố, á tơmiât kố cho môi tơdroăng ki tơ’lêi hlâu [ă tơtro khât. ‘Na mâu kế tơmeăm, a Dak Lak ai hên h^n. Mâu tơkâng loăng, hdréa xuân chiâng vâ pro mâu kế tơmeăm ki ai pơxúa. Má péa, châ tơdroăng ki to\ng kum, hnê mơhno dêi mâu ngế ki pêi hdrối cho mâu nho\ng o tung khu mơdró kâ [ă mâu nho\ng, mâu nâ tung khu ki tiâ mơnhên tơdroăng ki vâ pơxiâm pêi cheăng, hiăng pơkâ troăng prôk [ă mơ’no tối ăm á hên tơdroăng. Veăng tơpui tối gá ai pơxúa khât vâ mâu ngế ki pơxiâm vâ pêi cheăng môi tiah á kố ai troăng hơlâ pêi nhên tâ’’.

Mâu tơdroăng ki châ tơ-[rê rôh ki apoăng hiăng pro tơ’nôm ivá vâ mâu vâi droh Dak Lak pêi pro tơdroăng ki hâk vâ mơjiâng pro kế tơmeăm djâ tơvế ki le\m dêi kong pơlê lo troh a mâu kong têa ki kân.

Hương Lý chêh

Katarina Nga tơplôu [ă tơbleăng