VOV4.Sêdang - Tiô tơdroăng ăm ’nâi ing Khu hnê mơhno hbrâ mơdât xía vâ xua kong prâi pro [ă tăng to\ng xo mơngế hliăng tiâ dêi kong pơlê Kon Tum ăm ‘nâi, mêi kân, têa rơlêa tung mâu hâi hiăng luâ hiăng pro tơ’nhê ‘na mâu hngêi trăng, troăng klông, kế tơmeăm [ă pro hlâ rong kuăn mơngế. Ki nhên, môi tiah a tơring Ia H’Drai ai 15 toăng hngêi kuăn pơlê tro têa lân lu.

Tơring Tu Mrông athế tơku\m po thế 70 rơpo\ng hngêi kuăn pơlê thâ re\ng châ hdâ ing hngêi trăng tơná vâi lo ing tíu ki xâu xía. Tơring Sa Thầy ai 686 ha prá alâi [ă loăng kơphế, kơxu tro têa lân ó, têa mơhiu [ă hên mâu tơdroăng ki ê. Ki tơ’nhê ó má môi xua mêi kân têa rơlêa a kong pơlê Kon Tum, mê cho: troăng prôk [ă rơchôa long têa.

Péa to troăng kân kơxo# 40B [ă 24 tơdjêp pơla Kon Tum [ă 2 kong pơlê Quảng Nam, Quảng Ngãi xuân hiăng ai lối chât tíu ki ai tơnêi hmốu tơhnah, tơhnâp, pro mâu rơxế ôh tá chiâng kơtâu, pro pá ăm kuăn pơlê prôk lăm.

Tiô riân ngăn roh apoăng ăm hlo, vâ ‘mâi mơnhông kế tơmeăm xua ai kong mêi, têa rơlêa kố kal athế ai troh a chât rơtal liăn. Tiô tơdroăng ki chêh tối dêi Khu hnê mơhno hbrâ mơdât xía vâ xua kong prâi pro [ă to\ng xo mơngế hliăng tiâ kong pơlê Kon Tum, kong mêi têa rơlêa tung mâu hâi hiăng luâ hiăng pro 2 ngế a tơring Ngọc Hồi hlâ.

Tung mê, ai môi ngế inâi cho Blong Lạ, 27 hơnăm, pơlê Tà Pooc, cheăm Đăk Nông tro têa mơhiu a kroăng Pô Kô troh nôkố xuân tá hâi teăm châ hlo.

Nhat Lisa tơplôu [ă tơbleăng