Ô Trung tươ\ng Hoàng Xuân Chiến, Kăn hnê ngăn Mô đo#i gak tơkăng kong Việt Nam, Mê dai Kuân ko\ng má Môi cho tơdroăng ki pơ-ô dêi Đảng, Tơnêi têa ăm hnoăng cheăng pêi, cho hnoăng cheăng ki kân plâ 60 hơnăm dêi khu Mô đo#i gak tơkăng kong. Mê pôa hơ’muăn tối ‘na mâu tơdroăng, hnoăng cheăng ki ai pơxúa dêi Mô đo#i gak tơkăng kong tung khế hơnăm hiăng luâ, hmâ [ă kuăn pơlê mâu hdroâng kuăn ngo tíu tơkăng kong?

Trung tươ\ng Hoàng Xuân Chiến: Dế kố a tíu tơkăng kong, tơdroăng ki ai kong kế, ngo ngối, pêi cheăng kâ ối trâm hên xahpá, maluâ ti mê, kơnôm châ tơdroăng kơdo mơ-eăm dêi Khu pơkuâ ngăn Đảng, khu kăn hnê ngăn [ă vâi krâ-nho\ng o tíu tơkăng kong, mê kô chiâng tối khu lêng  tơdjuôm [ă Mô đo#i gak tơkăng kong hiăng hmâ rêh ối, veăng kum pêi cheăng [ă kuăn pơlê, hlê ple\ng kuăn pơlê, rơtế [ă kuăn pơlê mơjiâng a tíu tơkăng kong.

Ngin hiăng ai hên tơdroăng kum kuăn pơlê chôa ‘lâng kơdroh tah ki xahpá a tíu tơkăng kong, môi tiah tơdroăng mơjiâng Hngêi trăng ăm kuăn pơlê, kum hdrê ro ăm kuăn pơlê kơtiê a tíu tơkăng kong, Kum vâi o troh hriâm a hngêi trung, Rơtế prôk vâ veăng vâi kơdrâi a tíu tơkăng kong. Mâu tơdroăng ki kố pơrá ai pơxúa khât [ă tơ-[rê xua ga hiăng ai pơxúa khât tung tơdroăng rêh kâ ối, veăng kum mơjiâng thôn pơlê nếo, mơjiâng ngiâ méa ăm kơpong tíu tơkăng kong, tơru\m tơrôa, pro nho\ng o tung khu kuăn pơlê a péa kơpong tíu tơkăng kong, veăng kum mơnhông pêi cheăng kâ a tíu tơkăng kong [ă tê rôe kế tơmeăm a tíu tơkăng kong rế hía rế mơnhông.

Pak^ng tơdroăng ki môi tuăn veăng kum dêi vâi krâ-nho\ng o hdroâng kuăn ngo a tíu tơkăng kong, mê tơdroăng ki [lêi chiâng dêi Mô đo#i gak tíu tơkăng kong ôh tá păng lôi tơdroăng to\ng kum dêi khu râ hnê ngăn Đảng, khu hnê ngăn mâu tơring, cheăm ki ai đông a tíu tơkăng kong. Tơdroăng tơru\m cheăng krá tơniăn kố mơhno tối tiah lâi, ối Trung tươ\ng?

Trung tươ\ng Hoàng Xuân Chiến: Mâu tơdroăng ki hiăng châ tơ-[rê ki Mô đo#i gak tíu tơkăng  kong tung khế hơnăm hiăng luâ hiăng châ chiâng pêi pro ai tơdjâk troh tơdroăng cheăng kal kí, ki rơhêng vâ tối cho hnoăng cheăng dêi khu kăn hnê ngăn Đảng, mâu kăn pơkuâ mâu kong pơlê, pơlê kong kơdrâm, tơring, cheăm a tíu tơkăng kong.

Ki má môi, ngin hiăng ăm kăn [o# hnê ngăn tung đông tíu tơkăng kong lăm troh a mâu pơlê cheăm vâ veăng [ă Khu hnê ngăn Đảng, vâ rơtế mơjiâng [ă ‘mâi mơnhông krá kâk tơdroăng cheang kal kí a pơlê cheăm. Ki má péa, mâu kong pơlê, pơlê kong kơdrâm xuân mơnê khât troh tơdroăng ki mơjiâng khu kăn [o# gak tíu tơkăng kong mot cheăng tung Khu kăn hnê ngăn Đảng, [ă hnối tơbleăng tối mâu đảng viên mâu đông gak tíu tơkăng kong ‘na tơdroăng veăng hôp a mâu thôn pơlê, veăng kum mơjiâng cheăng Đảng [ă Khu hnê ngăn cheăng Đảng.

Dế kố ngin ai 1 rơpâu 447 ngế kăn [o# đảng viên ki hmâ hôp a Chi [o# thôn pơlê achê tíu tơkăng kong, kố châ ngăn cho tíu ki vâ pơkuâ ngăn, hnê tối dêi Đảng Tơnêi têa [ă kuăn pơlê mâu hdroâng kuăn ngo kơpong tíu tơkăng kong, veăng kum ‘mâi mơnhông tơdroăng cheăng kal kí a kơpong tíu tơkăng kong.

Trung tươ\ng Hòang Xuân Chiến-Kăn pơkuâ Mô đo#i gak tơkăng kong

Nếo achê pơla kố, Khu râ kăn Đảng, mâu Kăn hnê ngăn tơring, cheăm xuân hiăng tơru\m cheăng [ă Khu pơkuâ ngăn Mô đo#i gak tíu tơkăng kong dêi mâu kong pơlê, pơlê kong kơdrâm xing xoăng lối 7 rơpâu ngế đảng viên dêi mâu đông gak tíu tơkăng kong pơkuâ ngăn lối 33 rơpâu rơpo\ng kuăn pơlê a kơpong tíu tơkăng kong, kố xuân cho troăng hơlâ dêi pin cho athế châ ‘nâi, châ achê, hlê ple\ng hiâm tuăn kuăn pơlê, tơru\m kring vế, gak ngăn tíu tơkăng kong.

Xuân chiâng vâ tối hnoăng cheăng dêi Khu kăn hnê ngăn Đảng, mâu kăn pơkuâ ga ai pơxúa ki xiâm ‘nâng troh a tơdroăng pơkuâ ngăn, rak vế, pêi pro mâu hnoăng pêi cheăng kâ, rêh ối pơlê pơla tơru\m cheăng [ă kring vế gak ngăn pơlê pơla, tung mê, ai hnoăng cheăng pơkuâ rak ngăn tíu tơkăng kong.

Hâk tơngăm hiăng châ 60 hơnăm mơjiâng, tơplâ tơplong [ă xông tơtêk, mê khu mô đo#i gak tíu tơkăng kong hiăng mơ’no hnoăng cheăng ki xiâm dêi tơdroăng kring vế tơnêi têa tung la ngiâ ga ti lâi, ô Trung tươ\ng?

Trung tươ\ng Hoàng Xuân Chiến: Ngin hiăng pơkâ nhên mâu hnoăng cheăng ki xiâm: Kal athế ‘nâi ple\ng nhên tơdroăng, ing hơngế, pakong tíu tơkăng kong, a tíu tơkăng kong vâ tơno tối re\ng teăm pêi pro, ôh tá lôi ai tơdroăng xía vâ, rak vế tơdroăng rêh ối hơniâp ro, mơnhông.

Ki má péa, pơkâ pêi pro tơdrêng mâu troăng hơlâ ki vâ thăm mơdêk tung pơkuâ rak ngăn tíu tơkăng kong, lăm gak ngăn a bo cheăng tơkăng kong, ki rơhêng vâ tối cho a mâu tíu ki kal, tơplâ mơdât hbrâ tah lôi khu ngế ki ai pro xôi, malối ai xôi ki rêh ối ing kong têa ê, mơdât khu mơdró kâ liu, ma tu\i, tê rôe kuăn mơngế [ă hên tơdroăng ki ê, kring vế tơniăn a kơpong tíu tơkăng kong.

Ki má pái, pơtối pêi pro 3 tơdroăng ki nếo, kơhnâ khât tung hnê pơtâp [ă mơnhông ivá cheăng ăm kăn [o#, khu lêng, pơtâp, mơđah mâu tơdroăng ki hiăng mơ’no, pêi pro kơhnâ khât mâu tơdroăng tơkêa pêi dêi khu lêng, kơdroh mơngế cheăng ton hơnăm vâ thăm châ rah xo lêng ki râng pháu hơnêa kring vế tíu tơkăng kong.

Tơdroăng ki má mơ’nui, drêng koh tơbâ 60 hơnăm hâi mơjiâng Mô đo#i gak tíu tơkăng kong, hnê mơhnhôk, pơcháu cheăng ăm tâi tâng khu râ lêng tơ’noăng pêi kơhnâ khât hnoăng cheăng ki rơkê kơhnâ [ă mâu tơdroăng cheăng ki nhên, veăng kum mơdêk hnoăng cheăng khên tơnôu [ă um méa dêi mô đo#i Pôa Hồ tung chal nếo nôkố.

Trung tươ\ng ai hiâm tuăn loi tơngah ti lâi troh ivá ki ó rơêi dêi Khu mô đo#i gak tơkăng kong tung chal nếo nôkố dêi tơnêi têa?

Trung tươ\ng Hoàng Xuân Chiến: Tâng vâ tối păng ‘nâng, tung plâ 60 hơnăm hiăng luâ, kơnôm ai tơdroăng pơkuâ ngăn dêi Đảng, Tơnêi têa, malối Khu xiâm hnê ngăn Đảng lêng, ối tung Khu xiâm ngăn ‘na lêng, Đảng ủy Mô đo#i gak tíu tơkăng kong hiăng tơku\m pơkuâ ngăn tâi tâng khu lêng i tơru\m cheăng môi hiâm mô mơno, mơjiâng khu lêng chiâng krá kâk, [ă tơdjuôm tuăn mơno rơtế [ă khu kăn hnê ngăn tơring, cheăm kring vế krá tơniăn tơdroăng rêh ối pơlê pơla dêi tơnêi têa.

Ngin loi tơngah [ă tơdroăng ki rơkê kơhnâ hiăng to hơnăm dêi Khu mô đo#i gak tíu tơkăng kong [ă tơdroăng kơdo mơ-eăm dêi Đảng, Tơnêi têa, [ă Khu xiâm pơkuâ ngăn lêng, kăn [o#, mâu lêng Mô đo#i gak tơkăng kong ki xiâm cho khu ki pôu râng hnoăng cheăng rơtế [ă kuăn pơlê cho tơneăn ‘na mơngế gak ngăn tíu tơkăng kong, kring vế krá kâk hnoăng pơkuâ ngăn tíu tơkăng kong dêi tơnêi têa, kring vê tơrêm hơtá tơnêi ki kal git dêi tơnêi têa, kring vế tơdroăng hơiâp le\m, krá tơniăn, tơru\m tơrôa vâ tơnêi têa châ tơlôm, tơmot pêi cheăng kâ, rêh ối, vâ kơ ga chía kâi châ tơdâng tơ’mô iâ [ă mâu kong têa ối tung kơpong [ă lâp plâi tơnêi.

Mơnê kơ Trung tươ\ng Hoàng Xuân Chiến.

Thu Hòa-VOV4 chêh

Nhat Lisa tơplôu [ă tơbleăng