Ô pôa, kong prâi, tơmeăm khoăng, nhâ loăng, kong kế, hyôh kong prâi cho ki tơ’lêi vâ mơnhông mơdêk tâng vâ pơchông [ă ki kân rơdêi dêi Đà Lạt, cho tơmeăm khoăng hiăng ai hlâu ki mâu tíu ê ôh tá ai. Laga, tung mơnhông mơdêk tơchoâm vâ tối tâi tâng mâu tơmeăm ki kơnía mê xuân rế vâ hía lôi, mê pôa hlo ti lâi tơdroăng kố?

Pôa Phạm S: {ă ki pơxúa ‘na nhâ loăng, kong kế dêi Đà Lạt mê kố cho môi tung mâu tơdroăng ki phá tơ-ê xêh akố cho ‘’pơlê kong kơdrâm tung kong, kong tung kơpho#’’. La [ă tơdroăng pơkâ dế kố, mê cho tung pơla rế vâ mơjiâng kơpho# le\m tơ-ê, tơdroăng kal vâ ‘na pêi chiâk pêt loăng plâi, malối cho pêi pêt tơmeăm khoăng, xúa kơmăi kơmok ki dâi le\m, rak ngăn tơmeăm khoăng têa [ă hên ki ê, xua mê, xuân ai mâu tơdroăng tơdjâk [ă ki pơxúa ‘na nhâ loăng, kong kế tâng vâ pơchông [ă hdrối nah dêi pơlê kong kơdrâm Đà Lạt.

Xua mê, tung troăng hơlâ pơkâ mơnhông mơdêk thế pêi pro tiô tơdroăng hiăng hdró tiô kơxo# 704, hlối tí tăng ngăn vâ pêi pro tro tơdrêng hên troăng hơlâ hlối rak vế vâ tơ-[rê hlối tơtro [ă tơdroăng cheăng kâ, tơtro [ă hyôh kong prâi tơdroăng rêh ối. Xua mê, tung tơdroăng pêi cheăng kâ, tung tơdroăng mơjiâng, kong pơlê hiăng pơkâ mâu tơdroăng, tơkêa bro rak ngăn ‘na pơkâ kơpho# ăm tơtro. Rak tơniăn ki pơxúa le\m mơnâ mâ, ôh tá  tá ai hên hngêi xo\n ki pro [ă nhe\ng, ki pro tơdjâk ‘mêi troh ki le\m dêi kơpho#.

Mơ-eăm rak vế ki kơnía git dêi hyôh kong prâi [ă tơnêi tíu, nhâ loăng, kong kế ăm Đà Lạt

-Ô pôa, pak^ng tơdjâk dêi hyôh kong prâi tung lâp plâi tơnêi, môi tiah pôa nếo tối, ing tơdroăng ki re\ng mơnhông tơ-[rê dêi kơpho#, ki pro hơ’leh ‘na pơxúa cheăng kâ ing hngêi nhe\ng hngêi pro [ă hlâm vâ xúa tung pêi pêt kơchâi plâi pôm ki xúa kơmăi kơmok dâi le\m  hiăng pro hyôh kong prâi dêi Đà Lạt tro hơ’leh chiâng ‘mêi, tơdroăng kố ngăn ga hôm cho ki pro pá kân tung mơjiâng Đà Lạt vâ chiâng kơpho# ối rak tơmeăm khoăng kơnía ton dêi Việt Nam há lơ ôh?

Pôa Phạm S: {ă kơpho# ối rak tơmeăm khoăng ki kơnía le\m ton nah, kố cho tơdroăng ki tơku\m tâi tâng mâu tơdroăng. ‘Na pêt mơjiâng loăng plâi tung hngêi nhe\ng, hngêi hlâm bú tơdjâk môi iâ tâng vâ pơchông [ă mâu pơkâ vâ mơjiâng môi kơpho# ối rak tơmeăm khoăng kơnía git ton nah.

Xua kơpho#, tơmeăm khoăng kơnía ton nah mê cho mâu tơdroăng ‘na hyôh kong prâi, tơnêi tơníu, nhâ loăng, kong kế, malối cho mâu hngêi ki mơjiâng pro le\m tiô chal ton nah. Xua mê, môi pâ cho ki le\m ‘na hngêi mơjiâng pro tiô chal ton nah pơtối châ rak vế vâ mơnhông tơ-[rê [ă vâ pêi pro, kố cho ki xiâm ‘na tơmeăm khoăng ki le\m tro roh ton nah. ‘Na loăng kong prâi kơchâi pêt, xua tơdroăng xúa hngêi nhe\ng, hngêi hlâm mê kong pơlê kô pơtối séa ngăn, mâu hngêi nhe\ng hngêi hlâm ki lâi le\m tơxâng kơ pơtối ‘no liăn ‘mâi mơjiâng ăm le\m tơdâng tơ’mô vâ mơdêk tơ-[rê, mâu tơnêi tíu ki ôh tá tơniăn mê kô chôa ‘nhiê tah lôi, tiô pơkâ [ă hlối tơku\m po rak ngăn, pêt loăng ngiât ăm kơpong drô k^ng, pêt mâu loăng plâi oh tá kal hngêi nhe\ng, hngêi hlâm, tiah mê kô tơtro tâ nếo [ă hyôh kong prâi, tơnêi tơníu, xuân môi tiah mâu hngêi mơjiâng tiô chal nếo a tơnêi tíu kố rơtế [ă ki pơxúa pơla cheăng kâ [ă hyôh kong prâi, xuân môi tiah pơtối rak vế tơmeăm khoăng dêi kơpho# Đà Lạt.

-Môi tiah nếo tối, kong pơlê Lâm Đồng hiăng [ă dế tơbleăng hên tơdroăng tơkêa bro vâ mơ-eăm rak vế [ă mơjiâng nếo kơpong mê ăm ngiât le\m môi tiah hdrối nah dêi Đà Lạt, tơdroăng kố kô pêi pro môi tiah lâi?

Pôa Phạm S: Kố cho tơdroăng pơkâ ôh tá xê to dêi Đà Lạt – Lâm Đồng mê kố cho troăng hơlâ tơchoâm dêi lâp plâi tơnêi. Xua mê, nôkố kong pơlê Lâm Đồng xuân môi tiah pơlê kong kơdrâm Đà Lạt dế pơtối pêi pro mâu tơdroăng tơkêa bro ki ai troăng hơlâ tơdjâk le\m troh ‘mâi mơnhông hyôh kong prâi.  Mê cho kong pơlê hiăng châ Ngế pro xiâm hnê ngăn tơnêi têa ăm mơnúa pro pơlê kơpho# ngiât le\m. {ă pơlê kơpho# ngiât le\m cho môi kơpong tơnêi ki vâ pêi pro tơdroăng mơnhông mơdêk kơpho# ki ôh tá ‘nhó krip la kố cho môi pơlê, pro ti lâi ăm tơniăn tơtro le\m ‘na  tơdroăng rêh ối [ă hyôh kong prâi, ing mê po rơdâ mâu pơlê ki ê dêi mâu kơpho# ki ê xuân môi tiah Đà Lạt.

Tơdroăng má péa, kong pơlê Lâm Đồng dế mơdêk tơru\m cheăng [ă lâp plâi tơnêi vâ mơjiâng pro pơlê kong kơdrâm Đà Lạt chiâng môi pơlê krâm ki ê tung la ngiâ.

Tơdroăng má pái, pơtối pêt loăng ngiât [ă rak ngăn krâu khât tung mơjiâng pro, vâ pơlê kong kơdrâm Đà Lạt chiâng môi pơlê kong kơdrâm ai tơnêi tơníu, nhâ loăng, kong kế le\m. Tiô a tơmiât, tơdroăng kố, mơni kuăn pơlê kô vâ môi tuăn hên, xua pơlê kong kơdrâm Đà Lạt hiăng cho môi pơlê kong kơdrâm tung kong, tơdroăng ki ai ‘na tơnêi tíu kong kân, ki le\m dêi nhâ loăng kong kế [ă hên ki ê tiah mê kố tơniăn vâ ai tiô pơkâ mơjiâng.

{ă hlối mơjiâng pơlê kong kơdrâm Đà Lạt chiâng kơpho# rơkê ple\ng hơnăm 2025 ah. Ai tá rơkê ple\ng ‘na troăng prôk, mâu kăn cheăng [ă đie#n tưh, tơmeăm khoăng tơnêi, ki rơkê ple\ng ‘na hyôh kong prâi [ă ‘na pêi chiâk deăng pêt loăng plâi xúa ki rơkê ple\ng [ă hía hé, tơdrêng tâi tâng tiah mê kô pro ăm Đà Lạt tơtro tơxâng tung pơla mơjiâng rế mơnhông tơ-[rê tung la ngiâ.

-{ă mâu troăng hơlâ vâ mơnhông kong pơlê Lâm Đồng dế mơ-eăm pêi pro, mê Đà Lạt hôm kâi râk tơniăn mâu tơdroăng ki tơná ai’’ ki xeăng hiăng ăm kơpong tơnêi kố há lơ ôh?

Pôa Phạm S: Tung pơla mơnhông tiah mê, Ngế pro xiâm hnê ngăn Chin phuh hiăng k^ pơkâ kơxo# 704 mơjiâng pơlê kong kơdrâm Đà Lạt chiâng mâu tíu xiâm tí tăng ‘nâi ple\ng, chiâng kơpong pêi chiâk deăng pêt loăng plâi xúa kơmăi ki dâi le\m, môi kơpho# tơnêi tơníu nhâ loăng kong kế gá ai to kong tung kơpho# - kơpho# kong. Mâu tơdroăng pơkâ vâ pêi pro tung la ngiâ  mê kong pơlê hiăng tơku\m [ă pêi tiô pơkâ 704 [ă ngin loi khât, pêi pro mâu tơdroăng pơkâ kơtăng, tro khoa hok mê xuân pơtối rak vế ki tơniăn le\m dêi pơlê kong kơdrâm Đà Lạt cho pơlê kong kơdrâm ai tơnêi tíu, nhâ loăng, kong kế le\m tiô tơdroăng pơkâ 704.

Hôm mơnê kơ pôa!

Quang Sáng chêh

Gương tơplôu [ă tơbleăng