Veăng a hneăng hôp ai lối 300 ngế đoân viên droh rơtăm tung pơlê kong kơdrâm {uôn Ma Thuột, [ă mâu tơdroăng ki xiâm, môi tiah: xing xoăng hlá mơ-éa chêh tối tơbleăng hbrâ mơdât ma tu\i, trâm mâ tơpui tơno ‘na tơdroăng ki hbrâ mơdât mâu ngế ki pro xôi ‘na ma tu\i, mơđah tơbleăng tíu ki mơđah mâu tơdroăng ‘na hbrâ mơdât mâu ngế pro xôi pơlê pơla. Tung mê, tơdroăng ki trâm mâ tơpui tơno hiăng tơ’mot hnoăng ki veăng kơhnâ khât dêi đoân viên droh rơtăm.

4 [ai mơđah tơbleăng a tíu mơđah ai inâi ‘na xiăn pâm a hngêi trung hriâm, hbrâ mơdât pâk chik trếo ma tu\i, hbrâ mơdât tê roê kuăn mơngế, hêak pơloi ing măng internet [ă mâu cheăng pơlăm pơloi pơla khu droh rơtăm, mâu pho#m vâ xông kân châ mâu khu ki tơ’noăng tí tăng hriăn ngăn, teăm châ hlo [ă mơhno tối trâu nhên, tối mơhno drăng ki xiâm vâ hnê tối, tơbleăng khe\n.

Ngoh Trần Đình Quý, ngế ki ối tung khu tơ’noăng dêi hngêi trung Đăi hok Tây Nguyên [ă [ai mơđah ‘’Tâng châ vêh le\m’’ tối:

‘’Ki xiâm á djâ troh rôh tơ’noăng hâi kố cho tơdroăng ki tơxiăn  tơpâm a hngêi trung hriâm. {ă mâu hngêi trung hriâm nôkố mê tơdroăng ki xiăn pâm a hngêi trung dế cho môi tơdroăng ki châi heăng, tô tuăn ó khât, xua ôh tá ti xê to tơxiăn tơpâm to a châ chăn mê ối pro tơ’nhê ‘na tuăn hiâm nếo [ă gá ai tơdjâk hên khât troh hok tro, sinh viên mê ngin kal athế tơmâng ngăn i trâu rơdâ tâ mê nếo troh tơdroăng kố. Ho\ng rôh tối tơbleăng hâi kố á rơhêng vâ châ mâu vâi pú hok tro [ă khu pú hên pơlê pơla athế tơmâng troh mâu droh rơtăm, mâu pho#m vâ xông kân hên tâ’’.

Thie#u tươ\ng Nhữ Thị Minh Nguyệt, kăn pơkuâ tơdroăng kal kí Kăn sat ăm ‘nâi, kố cho tơdroăng cheăng tối tơbleăng tung um tơvi dêi Khu hnê mơhno cheăng Tơnêi têa tơru\m [ă mâu kong pơlê vâ mơdêk ki rơkê ple\ng, túa ki hbrâ mơdât ma tu\i [ă tơdroăng ki ôh tá tro tung pơlê pơla ăm droh rơtăm, mâu pho#m vâ xông kân. Mâu tơdroăng ki hlo tơku\m po hiăng châ pêi pro rơdêi dêi droh rơtăm, mâu pho#m vâ xông kân [ă hok tro, kum mơdêk châ tơ-[rê ăm hnoăng cheăng tối tơbleăng tung rơpo\ng hngêi, pơlê pơla:

‘’Mâu tơdroăng ki tối tơbleăng kố ngin pơkâ vâ ăm rêm ngế đoân viên droh rơtăm kô cho mâu ngế ki tối tơbleăng kơhnâ tung hnoăng cheăng hbrâ mdât mâu ngế ki pro xôi [ă pro tơdroăng ki ôh tá tro tung pơlê pơla tung droh rơtăm, mâu pho#m vâ xông kân vâ mơjiâng kong prâi tơnêi tíu tơniăn le\m ăm đoân viên, droh rơtăm [ă hnối tơru\m pơla rơpo\ng hngêi [ă hngêi trung [ă pơlê pơla vâ hnê hriâm vâi droh rơtăm, mâu pho#m vâ xông kân [ă hbrâ mơdât mâu ngế ki pro xôi tung droh rơtăm [ă mơjiâng rêm rơpo\ng cho môi tíu ki tơniăn tung hnoăng cheăng hbrâ mơdât mâu ngế pro xôi tung pơlê pơla’’.

Tiô riân ngăn, kong pơlê Dak Lak dế kố ai vâ chê 320 rơpâu ngế đoân viên droh rơtăm sap ing 16 – 30 hơnăm. Tung pơla hdrối kố nah, kơxo# mơngế pro xôi [ă kơxo# ngế pro xôi tung hơnăm dế pho#m vâ xông kân tung lâp tơnêi têa xuân môi tiah a Dak Lak xuân ối hên. Tung 6 khế apoăng hơnăm kố, a Dak Lak hiăng ai 63 rôh ngế droh rơtăm pro xôi luât [ă vâ chê 100 ngế pro xôi. Xua mê, tơdroăng ki tơru\m, tối tơbleăng, hnê hriâm droh rơtăm, mâu pho#m vâ xông kân cho môi tơdroăng cheăng pêi ki kal vâ mơdêk ki rơkê ple\ng, kum mâu vâi o ví tơdroăng ki chiâng mâu ngế ki pro xôi.

H’Xíu H’Mok chêh

Katarina Nga tơplôu [ă tơbleăng