VOV4.Sêdang - Hneăng hôp khu kăn Kuo#k ho#i ki rơkê hlê a kơxo lơ 26 khế 8 hiăng mơgêi klêi 3 hâi hôp tơpui tơno a Hà Nội. Hdrối mê, tơpui tơno ‘na Kơxop hlá mơéa Luât pơsăm tối kuăn pơlê ki ‘mâi rơnêu, hên khu kăn hăng veăng tơpui tối tung pơkâ pơklât thế thâu hrik, xup um, kơ-êng mơnhên tơdroăng xôi ki tro tơpôu xôi. Mâu rơkong ki veăng tơpui tối pơrá tối tiah kố, tơdroăng ki thâu hrik, xup um tung pơla ki kơ-êng ngế ki tro tơpôu xôi gá kal khât vâ rak tơniăn tơdrăng le#m tung pơla kơ-êng tơdroăng xôi, rế rak vế ăm ngế ki tro tơpôu xôi, ‘na tơdroăng ki tơleăng ôh tá tro, rak vế ngế ki tro kơ-êng ví tơdroăng ki tro tơpôu xôi. Laga, ki nhên gá ăm hlo, tơdroăng ki kơ-êng ngế ki tro tơpôu xôi mơni kô châ pêi pro a hên tíu [ă tung mâu tơdroăng ki phá tơ-ê dêi pó. Xua mê, vâ rak tơniăn tơdroăng ki pêi pro tơdrăng, châ tơ-[rê, ví mơhrê liăn ngân, tơtro [ă tơdroăng pơkâ dêi tơnêi pin mê pơkâ thế séa ngăn tơdroăng ki kơ-êng ngế tro tơpôu xôi a tíu ki kroăng phâk lơ a tíu cheăng Kơ koan séa ngăn tơdroăng xôi châ thâu hrik, xup um athế tơtro, mê a mâu tíu ki ê chiâng vâ thâu hrik, xup um drêng kơ koan, ngế ki ai hnoăng pơkuâ pơsăm tối tơdroăng xôi séa ngăn hlo drêng kal.