VOV4.Sêdang - Vi [an pơkuâ Kuo#k ho#i hiăng hôp mơgêi a kơxê lơ 19/9. Hdrối jâ Nguyễn Thị Kim Ngân, Kăn xiâm hnê ngăn Kuo#k ho#i xông tơpui mơgêi a roh hôp má 27, Vi [an pơkuâ Kuo#k ho#i hiăng ăm mâu kăn tơpui tối ‘na tơdroăng tơkêa bro dêi Luât ‘mâi hơ’lêh, mơjiâng bro tơ’nôm mâu tơdroăng dêi Luât ‘no liăn mơjiâng pro kế tơmeăm tơdjuôm [ă tơdroăng tơkêa bro ‘na Luât pơkuâ ngăn ‘na pro hnoăng mơhá, ki ‘mâi hơ’lêh.

Tơdroăng tơkêa bro ‘na Luât ‘mâi hơ’lêh, mơjiâng bro tơ’nôm mâu tơdroăng dêi Luât ‘no liăn mơjiâng bro luât roh kố ai 4 tơdroăng ki nếo. Ki ahdrối tâ, cho hơ’lêh túa ki vâ mơnhên ăm mung liăn. Tơdroăng pơkâ ‘na Luât Pơkuâ ngăn pro hnoăng mơhá liăn ngân ki ‘mâi hơ’lêh hiăng mơjiâng bro tơ’nôm mâu hnoăng, mơjiâng bro tơ’nôm vâ tơ’lêi hlâu ăm mơngế ki nâp liăn pro hnoăng mơhá.

Tung mê, ki rơhêng vâ tối, ngế ki nâp hnoăng mơhá liăn ngân châ ‘nâi hâi khế ki vâ nâp tro tiô tơdroăng pơkâ; kơxo# ki pro hnoăng mơhá ôh tá châ mơdrếo [ă séa ngăn tro tiô luât [ă mâu tơdroăng pro hnoăng mơhá ki ôh tá eâ mơdrếo [ă hên ki ê.

Nhat Lisa tơplôu [ă tơbleăng