VOV4.Sêdang - Klêi kơ’nâi 1 khế hôp, ai hiâm mơno ki tơdrăng [ă pôu râng dêi hnoăng cheăng, mê kơxê lơ 24/11, Roh hôp má 4, Kuo#k ho#i hneăng 14 hiăng klêi tơniăn. Tơdrêng [ă tơdroăng hiăng châ ‘nâi, mơnhên tối ‘ló păng ‘nâng tung kơdo mơ-eăm, tơdroăng pơkâ pêi pro kơtăng khât dêi Chin phuh, tơdroăng ki vâ môi tuăn dêi mâu khu râ, kơvâ cheăng hiăng tơkâ luâ mâu ki pá puât tung kơdo mơ-eăm vâ pêi pro klêi 13 tơdroăng cheăng ki xiâm tung pêi cheăng kâ-rêh ối pơlê pơla.

Pa k^ng mê, Kuo#k ho#i xuân hiăng tối nhên mâu tơdroăng ki ối ‘ro, tá hâi teăm châ mơnhông mơdêk; mơnhên tối, tơpui leăng, tối pơtâng ahdrối ‘na mâu tơdroăng ki kô trâm pá, pơloăng mơnúa ki tơnêi têa pin kô trâm.

Kuo#k ho#i hiăng tơbleăng tối ‘na mâu Tơdroăng pơkâ ‘na hnoăng cheăng ki vâ mơnhông mơdêk pêi cheăng kâ-rêh ối pơlê pơla, tơdroăng ki xúa liăn ngân dêi tơnêi têa, tối tơbleăng 6 tơdroăng luât, ăm mâu khu kăn tơpui tối ‘na 9 tơdroăng tơkêa bro ‘na luât;

Kuo#k ho#i hiăng séa mơnhên ngăn nhên ‘na ‘’Tơdroăng rak vế, pêi pro tiô troăng hơlâ, luât xiâm ‘na ‘mâi mơnhông tơdroăng cheăng dêi tơnêi têa pơla sap hơnăm 2011-2016’’. Ing mê, pơtối êng mơnhên ‘na mâu kơvâ cheăng: Liăn ngân, hngêi rak liăn, tơdroăng tối tơbleăng ki nếo, hnoăng cheăng tơleăng [ă êng mơnhên Ngế pro xiâm hnê ngăn Chin phuh. Kuo#k ho#i xuân hiăng tơmâng [ă séa mơnhên ki [lêi chiâng dêi Hneăng hôp kân khu kăn xiâm APEC, hiăng veăng kum mơnhông mơdêk inâi dêi Việt Nam tung lâp plâi tơnêi.

Jâ Nguyễn Thị Kim Ngân, Kăn xiâm hnê ngăn Kuo#k ho#i ai mơnhên tối: Hiâm mơno hơ’lêh nếo, rơkê ple\ng, pêi pro mâu hnoăng cheăng ki vâ pơtối pêi pro tiô tơdroăng ki hiăng pơkâ mơ’no a roh hôp má 4. Rơtế [ă tơdroăng thăm pêi khât ‘na cheăng tơpui ki nếo mơ’no tung Um tơvi, mơ’no tơdrêng tung Rơ’jíu, mơ’no tối mâu rơkong kuăn pơlê rơhêng kal vâ ‘nâi ple\ng, Kuo#k ho#i hiăng mơdoh hên chôu phut vâ tơpui tơno a Hngêi hôp kân, mơdêk hnoăng cheăng ki tơru\m tơpui tơno, ing mê, mơjiâng chiâng tơdroăng ki vâ môi tuăn pêi hnoăng cheăng ‘na luât, séa mơnhên ngăn [ă pơkâ mâu tơdroăng ki kal.

Nhat Lisa tơplôu [ă tơbleăng