VOV4.Xơ Đăng - Tơbleăng, pơxiâm pêi pro ăm Leh tơbleăng kơphế Ƀuôn Ma Thuột roh má 8 tiô tối hdrối châ tơkŭm po a khế 3 hơnăm 2023, kong pơlê Dak Lak hiăng mơhnhôk roh tơ’noăng video Clip ƀă dó inâi ‘’Tơdroăng hơ’muăn ‘na kơphế Ƀuôn Ma Thuột’’. Ƀă dó inâi ‘’Tơdroăng hơ’muăn ‘na kơphế Ƀuôn Ma Thuột’’, mâu video veăng tơ’noăng tơbleăng ‘na kơphế Ƀuôn Ma Thuột ôh tá pơkâ tơdroăng pro ƀă hâi khế, chôu phut ôh tá hluâ 5 phut.

Xua tơdjâk dêi pơreăng COVID-19, klêi kơ’nâi 4 hơnăm Leh tơbleăng kơphế nếo châ vêh tơkŭm po

Roh tơ’noăng tơkŭm po sap ing kố troh mơ’nui khế 12 la ngiâ, ƀă tâi tâng pri hnoăng mơhá lối 600 rơtuh liăn. Mâu tơmeăm veăng tơ’noăng kô chiâng xúa vâ kum tơdroăng pơtâng tối, tơbleăng ‘na kơphế Ƀuôn Ma Thuột, kơpong tơnêi, kuăn mơngế Dak Lak ƀă Leh tơbleăng kơphế Ƀuôn Ma Thuột. Tiô tối hdrối Leh tơbleăng kơphế Ƀuôn Ma Thuột roh má 8 hơnăm 2023 ƀă dó inâi ‘’Dak Lak – Tíu troh dêi kơphế lâp plâi tơnêi’’ châ tơkŭm po a pơlê kong kơdrâm Ƀuôn Ma Thuột ƀă mâu tơring tung kong pơlê sap ing hâi lơ 10/3 – 14/3/2023.

VOV Tây Nguyên/Tơplôu: A Sa Ly