VOV4.Xơ Đăng - Kong pơlê Lâm Đồng dế thâ hbrâ tơkŭm po Festival reăng Đà Lạt rôh má 9 hơnăm 2022. Kố cho tơdroăng leh kân má môi sap ing nah ta troh nôkố tá hâi chói ai, kô po ton troh 2 khế. Pơxá “Đà Lạt - pơlê kong kơdrâm   pŭn rơnó reăng” Festival reăng Đà Lạt rôh má 9 hơnăm 2022 po tung 2 khế, sap lơ 1/11 troh tâi lơ 31/12. Pakĭng 10 tơdroăng mơđah ki hên a pơlê kong kơdrâm Đà Lạt, Festival reăng Đà Lạt rôh má 9 ai 41 tơdroăng pêi pro a 2 pơlê kong kơdrâm Đà Lạt ƀă pơlê kong krâm Bảo Lộc ƀă mâu tơring tung kong pơlê. 

Festival reăng Đà Lạt rôh má 9 ton 2 khế

Tiô pôa Ngô Văn Ninh, Ngế pơkuâ ƀơrô, Ngế tơpui kâ dêi Vi ƀan kong pơlê Lâm Đồng, Festival reăng Đà Lạt cho rôh vâ mơdêk ki pơxúa dêi tơdroăng pơxá inâu “Đà Lạt - pơlê kong kơdrâm Festival reăng”, tơbleăng um ôm hyô Đà Lạt - Lâm Đồng,  inâi “Đà Lạt - Tơkŭm ki lĕm ing tơnêi lĕm”, rơtế ƀă túa ôm hyô ngăn nhâ loăng chiâk deăng ƀă hên tơmeăm pêi lo ing chiâk deăng dêi kong pơlê. Nôkố tơdroăng hbrâ dế châ mâu kơ koan, tíu pêi cheăng tung kong pơlê thâ pêi vâ tơbleăng.

VOV Tây Nguyên/Tơplôu: Gương