Kơmăng lơ 27/10, a Hngêi hơdruê kân, Pơlê kong kong kân Hà Nội hiăng tơkŭm po Leh diâp pri tơmiât pêi rơkê Khoa hok Kŏng ngê̆ Việt Nam hơnăm 2021, leh tơbâ 30 hơnăm mơjiâng Kơxô̆ liăn VIFOTEC ƀă tơdah Mê dái Pêi cheăng ối Má môi.

Pôa Vương Đình Huệ, Kăn xiâm hnê ngăn Kuô̆k hô̆i diâp 4 pri má môi VIFOTEC

Xông tơpui a roh leh, pôa Vương Đình Huệ, Kăn xiâm hnê ngăn Kuô̆k hô̆i loi tơngah, Kơxô̆ liăn VIFOTEC kô pơtối pro xiâm rêi ăm mâu tơdroăng hâk vâ hriăn plĕng khoa hok kŏng ngê̆ tung rêm râ kuăn pơlê, mơnhông tơdroăng hâk vâ tơmiât pêi rơkê ƀă chal nếo lâp tơnêi têa, kum mâu vâi o chiâng mâu ngế pơkuâ, khu ki mơjiâng pro tung la ngiâ, veăng kum kal khât vâ mơjiâng tơnêi têa mơnhông mơdêk tŭm túa ƀă xông tơtêk.

Pôa Vương Đình Huệ, Kăn xiâm hnê ngăn Kuô̆k hô̆i xông tơpui a leh diâp pri ăm PT

Vâ mơnhông tơdroăng ki hâk vâ hriăn plĕng, ivá tơmiât pêi rơkê, thăm mơnhông mơdêk khoa hok kŏng ngê̆ tơnêi têa, Kăn xiâm hnê ngăn Kuô̆k hô̆i pơkâ thế, Khu pơkuâ kơxô̆ liăn kal tơkŭm mơdêk ki dâi lĕm, ki loi tơngah dêi mâu Pri, Hneăng tơ’noăng, Roh tơ’noăng; pơtối tơmiât troh tơdroăng xiâm tung mâu tơmeăm mơjiâng pro, troăng pêi ối tung mâu kơvâ khoa hok kŏng ngê̆  chiâng xúa; mâu kơvâ pơla khoa hok tư̆ nhiên ƀă khoa hok kih thuât ƀă kŏng ngê̆; mâu kơvâ. Ai 45 tơmeăm ki má môi hiăng châ tơdah pri tơmiât pêi rơkê khoa hok kŏng ngê̆ Việt Nam hơnăm 2021.