Tơdroăng a roh tơpui tơno, sap hơnăm 2018 troh nôkố, kong pơlê Dak Lak hiăng pơxâu phâk 49 roh tơdroăng pro xôi ‘na liăn ngân ‘na kuăn kiâ kong, tung mê, hên roh pro xôi tơdjâk troh tê rôe pơlá rui ƀă mâu tơmeăm pro ing pơlá rui.

Mâu kăn tơpui tơno a roh tơkŭm po

Tung kơxô̆ kố, ai 2 ngế krê a pơlê kong kơdrâm Ƀuôn Ma Thuột tro pơxâu phâk liăn lối 390 rơtuh liăn rêm ngế, môi ngế ki ê tro rup phâk 18 khế kroăng phâk. Bu krê tung 6 khế apoăng hơnăm kố, tâi tâng kơxô̆ liăn châ xo ing pơxâu phâk liăn mâu tơdroăng pro xôi ‘na pơlá rui a Dak Lak cho lối 2 rơtal liăn.

Mâu tíu cheăng rơtế kĭ tơkêa rơtế tơdjuôm ivá mơđah tơbleăng um Dak Lak – Tíu troh achê lĕm ƀă Rui

A roh tơpui tơno, mâu tíu cheăng khu tê mơdró tơdroăng ôm hyô hiăng rơtế tơpui tơno ‘na tơdroăng mơdêk hlê plĕng dêi tơmối tung rak vế rui, mơdât mâu tơdroăng pro xôi ‘na mơdró pơlá rui. Tơdroăng pơtâng tối kal tơbleăng um mơ-éa Dak Lak – Tíu troh achê lĕm ƀă Rui, kal mơdêk hlê plĕng dêi khu mơngế pêi ôm hyô vâ kum vâi pơtâng tối troh tơmối.