Kố cho hơnăm hriâm apoăng dêi hngêi trung cho tung Vi ƀan ngăn Kuăn ngo. Cho tung mâu hngêi trung ki phá xêh dêi lâp tơnêi têa, Hngêi trung Dự bị Đại học Dân tộc Trung ương cho môi to hngêi trung ki hbrâ rơnáu ki apoăng châ mơjiâng tung lâp tơnêi têa vâ pêi pro tiô luât pơkâ tŏng kum ăm mâu hdroâng kuăn ngo dêi Đảng ƀă Tơnêi têa tung kơvâ hnê hriâm ƀă hnê mơjiâng tuăn ngôa rơkê. Tung plâ mâu hơnăm hdrối, hiăng ai lối 23 rơpâu ngế hok tro mâu hệ hiăng hriâm klêi, nôkố dế pêi cheăng a lâp lu tung tơnêi têa.

Kố cho hơnăm apoăng Hngêi trung Dự bị Đại học Dân tộc Trung ương cho dêi Vi ƀan ngăn Kuăn ngo

Nôkố, Hngêi trung Dự bị Đại học Dân Tộc Trung ương dế cho hngêi trung ki hên tơdroăng hnê tơ’nôm ‘na hệ dự bị đại học dân tộc ki kân má môi tung lâp tơnêi têa, ai 1.000 ngế hok tro mot hriâm rêm hơnăm vâ pơtối châ hnê tơ’nôm tro tiô pơkâ dêi tơdroăng hnê hriâm phôh thong hdrối vâ séa ngăn  vâ pơtrroh ăm mâu vâi o hriâm a mâu hngêi trung hnê hriâm đăi hok.