Tâi tâng kơxô̆ ngế tơmối ôm hyô tung tơnêi têa châ vâ chê 80 rơtuh ngế, tâk lối 8%. Tâi tâng kơxô̆ liăn châ xo ing ôm hyô tiô riân dâng 520 rơpâu rơtal liăn. A Rôh hôp ‘no tơdrêng ing troăng hyôh internet tơbleăng pêi hnoăng cheăng ki kal dêi kơvâ ôm hyô̆, pôa Nguyễn Văn Hùng, ngế xiâm ngăn Túa lĕm tro, Tơ’noăng ivá ƀă Ôm hyô pơkâ mơ’no mâu tơdroăng cheăng pêi ki nhên tung pơla lâp tơnêi têa hiăng pêi pro klêi tơdroăng klâ xoăng tơnêi tơníu kong pơlê ƀă tơbleăng pro kăn pơkuâ kong pơlê 2 râ.

Ngế xiâm ngăn túa lĕm tro pơkâ thế mâu kong pơlê rĕng séa ngăn, ai tơdroăng pơkâ pêi tung la ngiâ ‘no liăn tíu pro ôm hyô. Ôh ti xê ngăn tung tơdroăng pơkâ Ôm hyô Việt Nam hiăng tơbleăng, mâu kong pơlê kal tăng ‘nâi, ‘mot tơ’nôm túa pơkâ tiô tơdroăng nếo, tơdrêng amê hlối mơnhên nhên ki rơdêi dêi tơná, ai tơdroăng cheăng tung la ngiâ tơrŭm cheăng, tơrŭm kơpong vâ pro chiâng tíu ôm hyô ki rơkê, hơniâp ro.