VOV4.Sêdang - Klêi kơ’nâi Chin phuh ai Pơkâ 128 ‘na kâi trâng tơniăn, [ea\n [e\ng rơkê, mơdât châ tơ-[rê pơrea\ng COVID-19, hên khu tê mơdró a mâu kong pơlê peăng hdroh tơnêi têa vêh pêi cheăng mê mơngế pêi cheăng mâu kong pơlê Tây Nguyên xuân pơxiâm vêh pêi cheăng. A troăng kân lăm ngi kong pơlê ki ê kơxo# 14, mâu hâi achê kố ai hên khu rơxế honđa ti tiô paro\ng dêi pó lăm ngi mâu kong pơlê peăng hdroh tơnêi têa, mơngế pêi cheăng vêh pêi cheăng [a\ pói tơngah hên drêng mâu tơdroăng ki tô tuăn hiăng châ khu tê mơdró tơkêa tơleăng.

Kơnâi lối 1 khế vêh a hngêi ví pơreăng  a tơring Čư Pưh, kong pơlê Gia Lai, ngoh Nguyễn Minh Khánh ƀă Khu pú ngoh vâ chê 20 ngế brôk dêi rơpó vêh nếo kê̆n kong pơlê Bình Dương vâ pêi cheăng. Tung pơla dế ví pơreăng, ngoh Khánh hiăng châ pâk môi trum vaccine mơdât Covid-19 ƀă hdrối vâ prôk ngoh hiăng lăm khăm tôe têa moh hlo âm tính ƀă Covid-19, tơ’lêi prôk tơkâ luâ a mâu tíu gak ngăn dêi péa kong pơlê Dak Lak ƀă Dak Nông. Ngoh Khánh pêi cheăng a môi kŏng ti xui tơmeăm, liăn khế tâng riên dâng 6 rơtuh  500  tung môi khế. Drêng vêh pêi cheăng nếo , kŏng ti tơhrâ kô pro ăm to liăn khế a kơlo 8 rơtuh 500 liăn môi khế, mê ngoh hiăng vâ veh lăm pêi cheăng ƀă tơdroăng ki tô xuăn xâu pơreăng xuan hiăng kơdroh iâ drêng kŏng ti tối kô xing xoăng ăm mâu kŏng nhân  pêi cheăng 3 tíu a mê, vâ pro tơniăn:

Mơngế pêi cheăng vêh lăm pêi cheăng nếo tơngah hên tơdroăng

A xui pin mâu tơmeăm, môi tiah mâu kơthung kơƀăn kĕo, têa ngeăm.  Troh amê apêi 3 tơdroăng cheăng  ki ối amê, liăn kế kâ 8 rơtuh 500 rơpâu liă. A hlối ối amê oh tá tô tuăn klâi ‘na pơreăng, ối hlối tung hmôu, ôh tá lo pá gong, oh tá trâm ngế ki lâi.’’.

Xuân tung pơla dế drô troăng prôk tơdrêng ƀă khu ki vâ chê 30 ngế, mê cho pú hmâ, nhŏng o hdrông hdrê ngoh ki vêh ing Đồng Nai lăm pêi cheăng, ngoh Y Trinh Buôn Yă, ối a pơlê kong krâm Buôn Hồ, kong pơlê Dak Lak ăm ‘nâi, 3 khế ví pơreăng trâm hên tơdroăng pá xua ôh tá ai cheăng pêi.  La mơhúa kŏng ti pro chêng khŏ mê tíu ngoh Y Trinh pêi cheăng hiăng kơjo kum ăm kŏng nhân ƀă kơlo liăn 1 rơtuh 500 liăn tung môi khế tung pơla pơtê pơtân. Kố xuân cho tơdroăng ki mơhnhôk vâ mâu kŏng nhân môi tiah ngoh vêh lăm pêi cheăng nếo drêng Chin phuh ai pơkâ kơxô̆ 128 ‘na Hmâ tơniăn, rơkê ƀê̆ng ƀreăn, séa ngăn mơdât pơreăng Covid-19, Khu mơdró vêh lôu péa pêi cheăng nếo. Ki tô tuăn má môi  dêi ngoh Y Trinh cho hâi teăm pâk vaccine, la khu mơdró hiăng tơhrâ kô rĕm kum ăm tâi tâng mâu kŏng nhân châ pâk:

A pro kŏng nhân pêi cheăng chêp chêng khŏ, pro tơmeăm. Kŏng ti tôh tâng vêh lăm pêi cheăng nếo thế pâk vaccine mê nếo troh  kố. Kŏng ti xuân veăng kum hlối tơhrâ ‘’.

Drêng pơreăng tâ tú rơ iô, khu mơdró klĭng péa, mơngế pêi cheăng a ki ối a Tây Nguyên hiăng brôk dêi rơpó vêh, lo ing mâu kong pơlê peăng hdroh vâ ví pơreăng. La drêng chin phuh ai Pơkâ ‘na pro tơdroăng Hmâ tơtro tơniăn, thế rơkê ƀĕng ƀeăng, séa ngăn hlối mơdât tơ-ƀrê pơreăng Covid-19 , hên khu mơdró  vêh pêi cheăng nếo  mê mơngế ki pêi cheăng a mâu kong pơlê Tây Nguyên xuân hbrâ vâ vêh lăm pêi cheăng nếo. Ƀă ki khât, rêm hâi hiăng ai vâ chê 1 rơpâu ngế vâ veh lăm pêi cheăng a mâu  kong pơlê peăng Hdroh. Kố cho tơdroăng ăm hlo ki sôk ro vâ ‘mâi mơnhông cheăng kâ a kơpong pêi cheăng ki xiâm peăng Hdroh tơnêi têa klêi ai pơreăng kân tâ tú./.

 Công Bắc chêh

Gương tơplôu ƀă tơbleăng