Klêi kơ’nâi tơbrêi tơbrêh to rơxế lối 500km, prếi pú hmâ Nguyễn Thị Ngọc Dung [a\ Nguyễn Quỳnh Trang, nôkố cho sinh viên a pơlê kong kân Hồ Chí Minh ai mâ a pơlê Kon Pring, cheăm Đăk Long, tơring Kon Plong, kong pơlê Kon Tum tung môi hâi apoăng rơnó Hơngui hơnăm nếo. Hâk mơnâ mâ ngăn hlo kong kế tơmeăm akố môi tiah ai xêh ing ton nah, tơdroăng hâk vâ, rơkê hlế kơ tơmối dêi mơngế Rơteăng akố, mê Nguyễn Thị Ngọc Dung tối tiah kố:

‘’Tối ‘na tơdroăng ki le\m mê á hlo tu\m tơmeăm khoăng akố cho le\m păng ‘nâng. Cho môi tiah tơdroăng pói vâ dêi á. {a\ mâu tơdroăng ki ôh tá le\m mê ôh tá ai. Rêm ngế rêh ối tung môi pơlê hâk git dêi pó cho tơtô, phiu ro ‘nâng. Á hâk ‘nâng [a\ pói roh kơ’nâi ah kô troh akố nếo’’.

Kon Pring ối tung mơngiơk ngiât dêi kong kế, ngo ngối

Kơtăn kố tá hâi teăm ton, 70 rơpo\ng, hdroâng kuăn ngo Rơteăng kơvâ Rơmâm a pơlê Kon Pring tá hâi ‘nâi troh tơdroăng ôm hyô. Ing troăng pơkâ pêi dêi khu râ kăn pơkuâ tơring Kon Plong [a\ nâ Nguyễn Thị Thùy Trang, Ko\ng ti pêi cheăng tiô rơnó môi khu ôm hyô Mang Deang kân rơdâ, kuăn pơlê akố pơxiâm pêi pro 'na ôm hyô. Tiô tơdjâ dêi mâu ngế ki djâ troăng ahdrối, môi tiah krâ pơlê A Lum, kăn pơkuâ thôn A Rvét, nâ Y Lim [ă hên mâu kuăn pơlê châ mơhnhôk rak khôi túa le\m tro, rak ngăn kong kế, kong prâi, ôu kâ krúa le\m.

Mâu Homestay a Kon Pring 1,2

Pơkuâ môi tíu tê têa [a\ tê tơmeăm khoăng ki xúa rêm hâi kum ăm tơmối ôm hyô pá ro\ng kuât dêi pơlê, Ngoh A Tâm tối ăm ‘nâi, tơdroăng kố hdrối nah on veăng ngoh ôh tá tơmiât troh. Nôkố mê hlo tơtro [a\ tơdroăng rêh ối [a\ ivá dêi tơná há:

‘’Hơnăm hiăng krâ ôh tá kâi hro, mê on veăng má ôh tá ‘nâi pro tiah lâi. Xua mê on veăng mơnhên po môi tíu tê tơmeăm ăm tơmối ôm hyô. Kơbố vâ ôu têa lơ rôe mâu tơmeăm khoăng ki ê. Tê tơmeăm pêi lo liăn iâ, pêi tiô ivá tơná tê’’.

Mơngế Rơteăng a Kon Pring rak vế hên ki kơnia git 'na khôi túa le\m tro tiô vâi krâ nah

Vâ mơhnhôk kuăn pơlê Kon Pring pro ôm hyô, khu râ kăn pơkuâ tơring Kon Plong to\ng kum kuăn pơlê lối 3 rơtal liăn tôh [ê-tông troăng kân pơlê, mơ’no kum 3 rơpo\ng kuăn pơlê pêi homestay tơdah tơmối troh ôm hêi, pơtê pơto. Vâ hriâm túa tê mơdró ôm hyô ăm vâi krâ tung pơlê, khu râ kăn pơkuâ tơring djâ mâu kuăn pơlê lăm ngăn nhên túa pêi ôm hyô pơlê pơla a kơpong peăng kơnho\ng tơnêi têa. Tơdrêng amê, po mâu lâm hnê túa pêi ăm vâi krâ. Tơkâ hluâ tơdroăng ki ôh tá hmâ apoăng, klêi mê ai hiâm mơno ôh tá kơxiâp [a\ mâu tơmối, kuăn pơlê Kon Pring rế hía rế hâk pêi 'na tê mơdró ôm hyô pơlê pơla, pế pơchên mâu kơchâi kâ tiô khôi vâi krâ, kơhnon xuâng, to\n chêng koăng, vêh bro leh mơd^ng vâ tơbleăng ăm tơmối châ ngăn, châ hlo, châ 'nâi [a\ hía hé.

Tơmối ôm hyô châ kâ mâu kơchâi ki kơhiâm dêi mơngế Rơteăng akố

Nâ Y Lim, Ngế pơkuâ môi tung 3 homestay hlê ple\ng nhên hnoăng dêi rêm ngế kuăn pơlê tung tơdroăng tê mơdró ôm hyô pơlê pơla [a\ nâ cho tíu xiâm ru\m môi tuăn, đi đo djâ troăng ahdrối tung mâu tơdroăng cheăng:

‘’Ahdrối cho pơlê thế ngiât le\m, krúa hơ'djâ. Má péa nếo, ôh tá xê to á [a\ hngêi homestay kố. Pêi pro ôm hyô tâi tâng kuăn pơlê tung thôn xuân thế veăng. Thế mơjiâng pro mâu tơmeăm. Mơhé ki klâi pin mơjiâng pro mê pin kô tê ăm tơmối ôm hyô, môi tiah chế kơxái, môi tiah drôu xiâm, tu\m tơmeăm ki ê, tiêu kong. Vâi krâ rơtế pêi ôm hyô’’.

Troh Kon Pring, tơmối châ rêh ối a tíu le\m mơnâ mâ ngăn, rêh ối tung ngo ngối, kong kế; châ hlo khôi túa le\m tro dêi mơngế Rơteăng; pôu [a\ idrâp chêng, hơdruê xuâng tiô khôi vâi krâ; kâ mâu kơchâi ki kơhiâm má môi, môi tiah í pôh, tơxông prông, lâuh í sâm kơxái, ká têa kroăng, tiu kong, drôu xiâm [a\ hía hé. Kơnôm mơnhông mơdêk tơdroăng ru\m môi tuăn, kong kế le\m ngiât ai hên tơmeăm ki má môi mơhno khôi túa le\m tro, bu klêi kơ’nâi môi pơla to lâi khế mơnhông pêi ôm hyô pơlê pơla, pơlê Kon Pring, cheăm Đăk Long, tơring Kon Plong, kong pơlê Kon Tum hiăng chiâng tíu troh dêi hên ngế tơmối ôm hyô tung tơnêi têa [a\ kong têa ê.

Nâ Nghiêm Thị Anh Đào [a\ o Trịnh Thục Khánh Ngọc, tơmối ôm hyô troh [a\ Kon Pring ing Pơlê kong kân Hồ Chí Minh ai tối tiah kố 'na ki le\m mơnâ mâ ngăn:

‘’Á troh a tíu kố á vâ 'nâng. Á hlo kuăn pơlê vâi têm rơpiât, vâi hâk vâ [a\ tơmối’’.

O Trịnh Thục Khánh Ngọc, xuân cho tơmối lo ing Pơlê kong kân Hồ Chí Minh tối:

‘’Tiah hmâ, hriâm a hngêi trung cho hriâm chư tê 'na kơpong Tây Nguyên ga ai hên. La drêng troh akố mê á nếo châ ngăn, châ hlo mâu kuât, hngêi xo\n ki khât dêi vâi ngăn le\m ‘nâng, krip  tơdro\m. Le\m tâ tung mâu mơ-éa ki hriâm’’.

Khên tơnôu rah troăng prôk nếo vâ hluăn ing kơtiê, mơngế Rơteăng a pơlê Kon Pring, cheăm Đăk Long, tơring ki pá puât má môi dêi Kon Plong, kong pơlê Kon Tum nôkố hiăng pêi lo liăn ngân ing tơdroăng mơnhông pêi ôm hyô pơlê pơla. Hên rơpo\ng rêm khế pêi lo sap ing 3 troh 5 rơtuh liăn kơnôm veăng tơdroăng djâ, tơdah tơmối. Mơngế Rơteăng a pơlê Kon Pring hdrối nah bu ‘nâi to pêt báu, pêt alâi mê nôkố hiăng ‘nâi hên tơdroăng, túa pêi ôm hyô. Kon Pring hiăng châ mơdriu [a\ dế rế hía rế ai tơ’nôm tơmối rah tíu kố cho tíu vâ troh ngăn ki le\m ro dêi tơná.

Khoa Điềm chêh

A Sa Ly tơplôu [a\ tơbleăng