VOV4.Sêdang - Pôa Lê Văn Thành, Ngế pro xiâm phŏ hnê ngăn Chin phuh pơkuâ hneăng hôp mơ’no tơdrêng tung um tiô troăng măng internet ‘na tơdroăng pêi pro Tơdroăng tơkêa bro mơjiâng troăng kân ăm phêp rơxế kơtâu têi Peăng kơnhŏng – peăng Hdroh tơnêi têa peăng mâ hâi hâi lo hneăng hơnăm 2017 – 2020. Xông tơpui a Hneăng hôp, pôa Lê Văn Thành tối ăm ‘nâi, kố cho tơmeăm ki xiâm tơnêi têa tung 5 hơnăm la ngiâ, Khu xiâm kal kí hiăng hnê mơhno thế kơjo mơ’no tâi tâng liăn ngân ăm tơdroăng tơkêa bro kố.

Pôa Lê Văn Thành tối, mâu tơdroăng pá puât, tơvâ tơvân môi tiah tơdroăng yă, tơmeăm vâ mơjiâng pro châ tăng teăm tơdrêng. Ngế pro xiâm phŏ hnê ngăn tơnêi têa pơkâ mâu khu xiâm, kong pơlê kal mơhnhôk mâu khu tê mơdró ki tơdjâk thâ xĕn hngêi trăng, tơmeăm khoăng, môi tiah troăng on tơhrik, troăng klŏng têa, troăng kơxái măng. Ƀă mâu tơdroăng tơkêa bro hbrâ pêi pro, Ngế pro xiâm phŏ hnê ngăn tơnêi têa pơkâ thế Khu xiâm pơkuâ troăng klông kal rah xo mâu khu ki mơjiâng pro rơkê vâ pêi pro mâu tơdroăng tơkêa bro pơtối, ví tơdroăng tơnêi têa mơ’no tâi tâng ivá mơjiâng pro laga tơmeăm kố ôh tá chiâng vâ pêi pro.        

A Sa Ly tơplôu ƀă tơbleăng