Tiô tối tơbleăng a hneăng hôp tối, luâ 4 khế pơkâ pêi pro tiô luât pêi cheăng tơru\m, mâu khu pê cheăng tơru\m tung kơvâ pêi chiâk deăng kơpong Tây Nguyên [ă kơpong tơbăng peăng hdroh kơpong tơdế tơnêi têa hiăng ai mâu tơdroăng ki hơ’lêh tơtro păng ‘nâng, malối, cho mâu khu pêi cheăng tơru\m ki nếo, tơtro [ă tơdroăng ki pói vâ dêi túa ki hơ’lêh tung kơvâ pêi chiâk deăng [ă mơjiâng thôn pơlê nếo.

Tung mê, ai hên khu pêi cheăng tơru\m hiăng xúa ing kih thuât cheăng kơmăi kơmok ki ó tung pêi chiâk deăng, xua túa ki pêi cheăng ki nếo tung ‘măn rak klêi kơ’nâi pơkâ tơdroăng cheăng, tơdrêng amê, xuân tơku\m ‘na tơdroăng pêi chiâk deăng xuân ai tá tơdroăng ki mơjiâng kế tơmeăm xiâm dêi kơpong, rak vế, pêi pro tiô hnoăng cheăng, po rơdâ ăm tơdroăng tê mơdró a kơchơ, mơdêk ki tơ-[rê khât dêi hnoăng cheăng dêi Khu pêi cheăng tơru\m.

Ki păng ‘nâng, xua Luât pêi cheăng tơru\m a hơnăm 2012 ăm hlo trâm hên pá puât [ă ối ‘ro, mê cho: Mâu túa chêh pro hlá mơ-éa mơjiâng khu pêi cheăng tơru\m ối tơvâ tơvân, mâu hlá mơ-éa hnê tối ối tơchuôm, pơkâ ‘na ‘no mâu tơmeăm khoăng, tê mơdró ăm kuăn pơlê ki ôh tá xê tung khu pêi cheăng tơru\m ôh tá tơtro, ing mê khoh chiâng mơdât tơdroăng cheăng, tá hâi teăm ai troăng hơlâ ki hnê tối kơlo cheăng [ă túa chêh pro ki tơtro tung ‘no liăn vâ mơnhông mơdêk troăng hơlâ mơjiâng mâu hngêi trăng, troăng klông ăm Khu pêi cheăng tơru\m ‘na pêi chiâk deăng.

Ki rơhêng vâ tối, ki hên, mâu khu pơkuâ cheăng tơru\m pơrá ôh tá ai liăn ngân vâ ‘no liăn tê mơdró kâ, ôh tá ai túa hnê tối ki kơhnâ khât ăm kăn [o#, kih thuât [ă ivá cheăng ki pơkuâ ngăn tá hâi tơtro tiô pói rơhêng vâ [ă ki ê hía. Kố cho mâu troăng prôk ki pá kân ăm tơdroăng ki rak vế, pêi pro tiô Luât khu pêi cheăng tơru\m a hơnăm 2012 a kơpong Tây Nguyên [ă kơpong tơbăng achê têa kơx^, pêi pro tá hâi teăm châ tơtêk hên.

hneăng hôp khu tơru\m cheăng a Lâm Đồng

Vâ kơdroh tah lôi mâu tơdroăng ki pá puât mê, ki ối ‘ro mê, roh hôp hiăng ai hên chôu phut tơpui tơno, mơhno tối, tơpui leăng mơnhên [ă mơ’no tiô túa, troăng hơlâ.

Tiô pôa Trần Châu, Kăn pho\ hnê ngăn Vi [an hnê ngăn kong pơlê Bình Định tối, pak^ng kơxo# liăn ki châ mung, ki pá má môi dế nôkố mâu khu pêi cheăng tơru\m ôh tá ai liăn vâ mơnhông cheăng kâ:

‘’Tâng vâ tối khât, sap ing ai túa pêi cheăng hơ’lêh nếo tiô Luât khu pêi cheăng tơru\m mê pá puât ó má môi, mê mâu khu pêi cheăng tơru\m pá ‘nâng ‘na tơnêi tíu. Tâng vâ tối ‘na tơnêi pêi chiâk deăng mê trâm troh dâng lâi drăng mê pơrá athế mung tơnêi tíu, mê pá vâ khoh kâi châ mơnhông mơdêk pêi cheăng kâ po rơdâ hnoăng cheăng dêi Khu pêi cheăng tơru\m.

Xua ti mê, ngin pâ thế Chin phuh kal ai troăng hơlâ to\ng kum ăm mâu Khu pêi cheăng tơru\m ‘na pêi chiâk deăng ‘na mơnhông mơdêk  kơxo# tơnêi tơníu, athế ai troăng hơlâ tơchuôm vâ kum tơnêi ăm Khu pêi cheăng tơru\m’’.

Xông tơpui a roh hôp, pôa Vương Đình Huệ, Ngế pro xiâm pho\ hnê ngăn mơnhên tối, tơdroăng ki mơnhông mơdêk khu pêi cheăng tơru\m [ă túa cheăng tơchuôm tung kơpong Tây Nguyên [ă kơpong tơbăng achê têa kơx^ ối trâm hên pá puât, kơxo# khu pêi cheăng tơru\m bu iâ tâng vâ pơchông ngăn [ă ki tơchuôm dêi lâp tơnêi têa.

Kơxo# khu pêi cheăng tơru\m tung lâp kơpong bú ai 11,8% tâng vâ pơchông ngăn [ă Khu pêi cheăng tơru\m tung lâp tơnêi têa, tung mê, bu ai 16,5 khu pêi cheăng tơru\m [ă khu mơdró kâ, 1/3 kơxo# kế tơmeăm ki tê ki hên tơkâ luâ khu mơdró kâ phá xêh pá kong [ă yă rôe lối rơpâ châ luâ 2/3 tâng vâ pơchông ngăn [ă kơchơ.

Xua ti mê, vâ thăm mơhnhôk khu pêi cheăng tơru\m tiô túa ki nếo châ mơnhông mơdêk kal athế thăm mơnhông ‘na tơdroăng hnê tối, pơtâng khe\n, kum ăm tâi tâng khu râ, kơvâ cheăng ‘na cheăng kal kí, kăn [o#, đảng viên [ă mâu kuăn pơlê pêi chiâk deăng ‘nâi klêi nhên hnoăng cheăng dêi Khu pêi cheăng tơru\m tiô túa nếo.

Ki ê nếo, tơdroăng mơnhông mơdêk pêi chiâk deăng, ‘mâi mơnhông khu ngế ki pêi cheăng kâ vâ rak vế, pêi pro châ tơ-[rê ăm túa cheăng chiâk deăng xuân kal athế mơnhên khât.

Pôa Vương Đình Huệ, Ngế pro xiâm pho\ hnê ngăn pơchân tối, mâu khu râ, kơvâ cheăng [ă mâu kong pơlê, pơlê kong kân kal athế tơku\m pêi pro mâu tơdroăng ki ối tơvâ tơvân, ối ‘ro tung rak vế, pêi pro tiô Luât Khu pêi cheăng tơru\m, tơleăng mơnhên, to\ng kum mâu khu pêi cheăng tơru\m chêh dêi inâi vâ hơ’lêh [ă mâu khu pêi cheăng tơru\m hiăng pơtê cheăng vâ kum ăm khu pêi cheăng tơru\m ki nếo châ mơjiâng:

‘’Á pơkâ thế mâu kong pơlê, khu râ, kơvâ cheăng tơku\m to\ng kum vâ mơnhông mơdêk khu pêi cheăng tơru\m tiô 2 tơdroăng ki kân vâ tah kơdroh lôi ki tơvâ, ối ‘ro, vâ thăm mơdêk hnoăng pơkuâ ngăn dêi mâu Khu pêi cheăn tơru\m, tơku\m hnê mơjiâng mâu kăn [o#.

Tơdrêng amê, pơtối pêi pro klêi mâu hnoăng cheăng tiô troăng hơlâ, pêi pro tiô mâu Luât khu pêi cheăng tơru\m, ai séa mơnhên ngăn vâ hnê tối ‘na Luât khu pêi cheăng tơru\m tiah dế nốkố ăm ga tơtro.

Klêi mê, hnê tối ‘na túa cheăng, chêh pro hlá mơ-éa vâ tơku\m pêi pro tro hnoăng cheăng, athế mơjiâng thăm troăng hơlâ to\ng kum, măn rak kế tơmeăm klêi krí xo, xúa cheăng kơmăi kơmok ki kân, xúa mâu tơdroăng ki tơtro ‘na rak vế kế tơmeăm krúa le\m tro tiô Luât Khu pêi cheăng tơru\m’’.

Pôa Vương Đình Huệ xuân hiăng hnê tối mâu khu râ, kơvâ cheăng xiâm, mâu kong pơlê, pơlê kong kân thăm mơdêk ó tâ nếo tung hnoăng pơkuâ ngăn dêi tơnêi têa, mê cho thăm mơdêk hnoăng pơkuâ ngăn dêi Khu hnê mơhno ‘na cheăng kâ [ă Khu pêi cheăng tơru\m a mâu pơlê cheăm, vâ khoh chiâng ai hơlêh hên tung hnoăng cheăng kâ tơchuôm [ă Khu pêi cheăng tơru\m tung la ngiâ.

Quang Sáng

Nhat Lisa tơplôu [ă tơbleăng