VOV4.Sêdang - Khu xiâm ngăn pơkeăng hiăng tối tơbleăng ngế ki má 10 tro tâ pơreăng virus corona. Ngế ki kố ôh tá ối tung khu 8 ngế ko\ng nhân dêi ko\ng ti Nihon Plast tro tâ pơreăng xua lăm hriâm sap ing Vũ Hán (Sinuâ) vêh, mê cho mâu tung rơpo\ng hngêi vâi.

Rôh Têt kố nah, ngế ki kố kâ hmê, hơdruê karaoke rơtế [ă ngế ki tro tâ pơreăng. Ngế ki kố cho kơdrâi, 42 hơnăm, a cheăm Sơn Lôi, tơring Bình Xuyên, kong pơlê Vĩnh Phúc. Nôkố, ngế ki kố dế châ pơlât a kơpong tíu ki klâ ối krê a Hngêi pơkeăng khăm pơlât tơring Bình Xuyên, ivá hiăng tơniăn.

Pôa Đỗ Xuân Tuyên, Ngế xiâm pho\ pơkuâ ngăn pơkeăng [ă khăm pơlât tơnêi têa pơkâ thế pêi pro kơtăng [ă tơdroăng a kong pơlê kố, malối mâu troăng hơlâ ki ăm klâ ối krê. Tâng ôh tá hbrâ kơchăng, kố kô cho tíu ki ai pơreăng drêng hiăng ai ngế ki tâ tú. Nôkố, Khu xiâm ngăn pơkeăng [ă khăm pơlât hiăng ai khu ki pêi dêi hnoăng cheăng lăm séa ngăn [ă pêi cheăng a kong pơlê Vĩnh Phúc.

Katarina Nga tơplôu [ă tơbleăng