VOV4.Sêdang - Việt Nam hiăng mơnhên tơdroăng ki ai mơngế kum cheăng thái pơkeăng ki apoăng hiăng tro tâ pơreăng Covid-19. Mê cho ngế kơdrâi ki ngăn ‘na kơvâ điều dưỡng, 54 hơnăm dêi kơbong khăm pơlât khu ngế ki tâ pơreăng HIV, mâu ngế ki tro HIV mê ki ôh tá ối pơlât tung hngêi pơkeăng, vâi bu pơlât, ôu pơkeăng vêh dêi a hngêi, ối tung tíu xiâm ngăn ‘na pơlât Nhiệt đới, Hngêi pơkeăng kân Bạch Mai [ă ngế ki tâ pơreăng má 86 a tơnêi têa pin.

Ngế ki kố hiăng tú ăm môi ngế ngăn ‘na điều dưỡng ki ê 34 hơnăm rơtế tung kơ koan hiăng tơdah mơngế tamo châi ki ối klâ krê [ă cho ngế ki má 87 tro tâ pơreăng. Dế nôkố, 2 ngế kố hiăng châ pơtroh a Hngêi pơkeăng khăm pơlât pơreăng Nhiệt đới Trung ương, tíu cheăng a Đông Anh vâ klâ ối krê.

Klêi kơ’nâi péa ngế ki tâ pơreăng má 86 [ă 87 mê bu xiâm nhôm tâ pơreăng, la hiăng tro Hngêi pơkeăng Bạch Mai ăm ối klâ krê. Mâu ngế tung rơpo\ng hngêi, mâu ngế ki ối achê [ă 2 ngế kố xuân hiăng châ khăm ngăn rơhí rơhó, pâk xo mơheăm [ă ăm klâ ối krê.

Pak^ng mê, Hngêi pơkeăng Bạch Mai xuân hiăng chêh inâi chêh xo inâi mâu ngế ki achê [ă mâu ngế ki achê [ă péa ngế ki tâ pơreăng kố vâ pơtối mơnhên vâ ‘nâi ivá. Tơdrêng amê, hnối xôh pơkeăng kơdê pơreăng a mâu kơpong ki ai tơdjâk. Xuân tung hâi lơ 20/3, ai tơ’nôm pá 4 ngế tro tâ pơreăng Covid-19 pơrá prếo ing kong têa ê troh a tơnêi têa Việt Nam. Tiah mê, troh a 20 chôu 30 kơmăng lơ 20/3, tơnêi têa pin hiăng mơmhên ai 91 ngế tro tâ pơreăng kố.

Nhat Lisa tơplôu [a\ tơbleăng