VOV4.Sêdang - Pôa Nguyễn Xuân Phúc, Ngế pro xiâm hnê ngăn tơnêi têa pơkuâ roh hôp Chin phuh tiah hmâ khế 10. Pôa Nguyễn Xuân Phúc tối mơnhên, tơdroăng cheăng kâ rêh ối pơlê pơla a khế 10 hiăng ai hên mơnhông tơtêk, cheăng kâ kân châ tơniăn. Mâu pơkâ ‘na pêi chiâk deăng xúa kơmăi kơmok, mơhnhôk tơmối mot ôm hyô, tê tơmeăm ngi kong têa ê, tê ‘ngré kế tơmeăm [a\ hơ’lêh tê mơdró pơrá tâk.

Klêi kơ’nâi 10 khế, lâp tơnêi têa pin hiăng ai 105 rơpâu khu tê mơdró nếo châ mơjiâng, tung mê ai 97% khu tê mơdró ki nếo pêi lo liăn hên, ai nâp hnoăng liăn mơhá. Ngế pro xiâm hnê ngăn tơnêi têa pơkâ thế mâu Khu xiâm, kơvâ cheăng, kong pơlê ôh tá tơngôu tung hnê mơhno, pơkuâ mâu tơdroăng châ tơ-[rê tung cheăng kâ.

Teăng amê, pơtối mơjiâng tíu mơ’no liăn cheăng tơtro tâ. Pơtối hnê mơhno mâu kơvâ cheăng, kong pơlê ki ai tơdjâk hbrâ tơnáu tơtro má môi ăm Măng t^ng leh khu kăn xiâm APEC. Ngế pro xiâm hnê ngăn tơnêi têa xuân pơkâ thế mâu khu cheăng tung Chin phuh pơkâ mâu tơdroăng ki kân vâ hbrâ tơnáu mơjiâng pơkâ dêi Chin phuh hơnăm 2018.

A Sa Ly tơplôu [ă tơbleăng