VOV4.Sêdang - Hâi lơ 4/12, pôa Nguyễn Xuân Phúc, Ngế pro xiâm hnê ngăn tơnêi têa [a\ Khu kăn Kuo#k ho#i pơlê kong kân Hải Phòng hiăng trâm mâ kuăn Pơlê krâm Kiến An vâ tơbleăng ‘na ki tơ-[rê roh hôp má 4, Kuo#k ho#i hneăng má 14.

Tiâ rơkong kơ-êng, pâ thế dêi kuăn pơlê a roh trâm mâ, Ngế pro xiâm tối nhên, tung la ngiâ Chin phuh kô mơ-eăm hnê mơhno tơleăng mâu tơdroăng pá puât tung pêi cheăng, ôh tá xê to tơmâng mơnhông mơdêk cheăng kâ mê ối rak vế tơniăn vâ kum rêh ối pơlê pơla.

Ngế pro xiâm hnê ngăn tơnêi têa tối rơdêi, [a\ tơdroăng mơ-eăm dêi tâi tâng kuăn pơlê, tơdroăng hnê mơhno, pơkuâ ngăn nhên dêi khu kăn pơkuâ mâu râ sap ing tơnêi têa troh kong pơlê, lâp tơnêi têa hiăng pêi kêi đeăng tâi tâng tơkâ hluâ 13/13 túa cheăng kâ – rêh ối pơlê pơla ki Khu pơkuâ cheăng Đảng xiâm tơnêi têa [a\ Kuo#k ho#i pơcháu.

Chin phuh kô mơ-eăm hnê mơhno, tơleăng mơnhên mâu tơdroăng ối pá puât tung pêi cheăng, môi tiah rơnêu kế tơmeăm khoăng xua kong prâi pro, rak vế tơdroăng rêh ối tơniăn hơniâp le\m ăm kuăn pơlê, rak vế le\m tro tâ hnoăng cheăng dêi tơnêi têa.

A Sa Ly tơplôu [a\ tơbleăng