VOV4.Sêdang – Tung pơla tro kong mêi têa kân lân lu a hâi 12/10, pôa Nguyễn Xuân Phúc, Ngế pro xiâm hnê ngăn tơnêi têa hiăng pơtê tơdroăng pêi cheăng a Hải Phòng, pơkuâ djâ khu kăn tung Chin phuh lăm troh a kong pơlê Ninh Bình hnê kuăn pơlê mơnhông tơdroăng rêh ối, cheăng kâ klêi kơ’nâi têa kân lân lu, pơkuâ ngăn i nhên tâi tâng mâu rơchôa.

Pôa Nguyễn Xuân Phúc tối ăm ‘nâi, tiô tối tơbleăng ahdrối, ki rơ-iô dêi kong mêi kân mơni kô pro chiâng ai khía mơhot kân, tơdrêng [ă khía rơnó hngiú peăng kơnho\ng plong mot, xua mê, ngế pro xiâm hnê ngăn tơnêi têa pơkâ thế mâu kăn tung kong pơlê pơtối séa ngăn vâ ’nâi mâu tơdroăng ‘na kong prâi, gâk ngăn plâ hâi măng, mơjiâng khu pơkuâ ngăn a rơchôa, séa ngăn tâi tâng rêm tíu a rơchôa.

Ngế pro xiâm hnê ngăn tối rơdêi, kố cho tơdroăng ki kal drêng ‘’têa tâk đik ai 5-10cm, cho rơ-iô khât. Ngế pro xiâm hnê ngăn tơnêi têa hnê mơhno, pơkâ thế djâ kuăn pơlê lo ing kơpong ki rơ-iô,  djâ kuăn pơlê ối tíu ê drêng kal, vâ tơniăn ăm kuăn mơngế [ă tơmeăm khoăng dêi kuăn pơlê.

Gương tơplôu [ă tơbleăng