VOV.Sêdang - Klêi kơ’nâi séa ngăn tơdroăng ‘mâi mơnhông kế tơmeăm tro tơ’nhê xua khía mơhot kân roh má 12 a kong pơlê Khánh Hòa, kơxê lơ 30/11, pôa Nguyễn Xuân Phúc, Ngế pro xiâm hnê ngăn tơnêi têa hiăng rơtế [ă mâu khu xiâm, kơvâ cheăng pôu, pêi cheăng [ă mâu kăn xiâm dêi 2 kong pơlê Khánh Hòa, Phú Yên ‘na hnoăng cheăng ‘mâi mơnhông mâu tơmeăm tro tơ’nhê xua khía mơhot kân roh má 12 plong mot.

Xông tơpui pơkuâ ngăn a roh hop, Ngế pro xiâm hnê ngăn mơnhên tối, khía mơhot kân roh má 12 cho khía mơhot ki kân ó, hiăng pêi plong tung kơpong ki sap nah tá hâi chói ai, xua mê, kuăn pơlê ôh tá ‘nâi hbrâ ví xêh tơdroăng xâu xía, khoh chiâng ai hên mơngế hlâ [ă kế tơmeăm tro tơ’nhê, tung mê, ai kế tơmeăm dêi rơpo\ng hngêi krê [ă tơmeăm dêi Tơnêi têa. Dế nôkố, ối ai hên tơdroăng athế pêi pro vâ ‘mâi mơnhông tơdroăng xía vâ mê.

Xua ti mê, Ngế pro xiâm hiăng pơkâ thế khu kăn pơkuâ kơvâ cheăng, rêm râ, kong pơlê, pơlê kong kân, tơpui tung hneăng hôp, kal athế ai troăng hơlâ vâ ‘mâi mơnhông klêi kơ’nâi kế tơmeăm tro tơ’nhê xúa khía mơhot kân roh má 12 pro a mâu kong pơlê. Malối mâu hâi vâ chê Têt, tâng ôh tá re\ng ‘mâi mơnhông tơdroăng pêi chiâk deăng, mê kô pro pá khât ăm khu mơdró [ă kuăn pơlê rêh ối, cheăng kâ.

Nhat Lisa tơplôu [ă tơbleăng