VOV4.Sêdang - Kơxo lơ 3/8, a Tíu pêi cheăng xiâm dêi Chin phuh, pôa Nguyễn Xuân Phúc, Ngế pro xiâm hnê ngăn hiăng pơkuâ ngăn roh hôp Chin phuh tiah hmâ a khế 7, séa mơnhên ngăn tơdroăng pêi cheăng kâ, pêi lo kế tơmeăm - rêh ối pơlê pơla a khế 7 [ă 7 khế apoăng hơnăm 2017.

Xông tơpui a hneăng hôp, Ngế pro xiâm hnê ngăn tơnêi têa tối nhên, mâu Khu râ, kơvâ cheăng, mâu kong pơlê, pơlê kong kân kal athế tơpui leăng i nhên mâu tơdroăng ki ối ‘ro, tá hâi chiâng vâ pêi pro, ing mê, ai troăng hơlâ pơkâ ki vâ ‘mâi rơnêu, kơdo mơ-eăm pêi pro klêi mâu hnoăng cheăng pơkâ tung hơnăm 2017.

Ngế pro xiâm hnê ngăn pơkâ thế, mâu kăn cheăng tung Chin phuh kal athế ai troăng hơlâ vâ pêi pro, mơjiâng mơ’no mâu troăng hơlâ tung mâu khế hơnăm ki u ối dêi hơnăm 2017 vâ khoh châ pêi pro troh a kơlo ki to kơnâ ai 6,7%, xuân môi tiah tơpui tơno mâu troăng hơlâ ki tơtro, túa chêh pro hlá mơ-éa, veăng tơlo liăn ngân, tah lôi tơdroăng ki ối tơvâ tơvân drêng vâ xúa liăn xiâm ODA [ă ki ê hía.

Ki rơhêng vâ tối, athế thăm mơnhông ‘na troăng hơlâ ki vâ ăm mung liăn ‘no mơjiâng mâu tơdroăng tơchuôm dêi tơnêi têa, vâ khoh ai liăn ‘no kum ăm pơlê pơla châ 34-35% GDP.

Nhat Lisa tơplôu [ă tơbleăng