VOV4.Sêdang - Peăng xêi hâi lơ 13/3, a {ơrô cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng veăng a hneăng hôp [ă tơpui tơno mơ’no tơdrêng tung um tơvi, mơgêi 3 khế pêi pro tiô troăng xúa hyôh internet tơchuôm dêi tơnêi têa [ă tối pơtâng tơdroăng mơjiâng tơ’nôm 11 tơdroăng cheăng ki mơ’no tơdrêng a troăng internet mê.

Tơpui a roh hôp mê, pôa Nguyễn Xuân Phúc tối nhên, tơdroăng ki xúa vâ tơpui tơno tung troăng hyôh internet dêi tơnêi têa veăng kum kơdroh tơdroăng liăn ngân ăm kuăn pơlê [ă khu mơdró kâ, veăng kum mơdât khu kâ kơluâ liăn ngân, kế tơmeăm tung pơla khu ngế ki kum tơmeăm khoăng mơdró kâ [ă mâu kuăn pơlê ôh tá châ trâm mâ dêi pó.

Tơdroăng ki xúa troăng hyôh internet tơchuôm dêi tơnêi têa xuân veăng kum hbrâ mơdât pơreăng Covid-19, xua ôh ta ăm kuăn mơngế kơdrâm trâm mâ dêi pó [ă ôh tá xúa kơtâ liăn hlá. Ngế pro xiâm hnê ngăn tơnêi têa pơkâ thế mâu kăn kong pơlê, pơlê kong kân kal athế tơdjêp [ă troăng hyôh internet tơchuôm dêi tơnêi têa vâ to\ng kum tơ’lêi hlâu ăm kuăn pơlê [ă khu mơdró kâ. Drêng rơnó pơreăng tâ tú tiah kố, Ngế pro xiâm hnê ngăn tơnêi têa hiăng pơkâ thế séa mơnhên, pơtê pơtân mâu tơdroăng ki séa ngăn, tăng lăm ngăn, trâm mâ vâ khu mơdró kâ tơku\m tah lôi mâu tơdroăng ki xahpá.

Nhat Lisa tơplôu [ă tơbleăng