VOV4.Sêdang - Kơxê lơ 6/3, a tíu cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pin tơdah pôa Tao Hui, Kăn xiâm pơkuâ Texhong Việt Nam, cho môi tung mâu Grup pơchoh hmân ếo ki kân má môi dêi Sinuâ. Pôa Nguyễn Xuân Phúc tối ăm ‘nâi, tung mâu hneăng trâm mâ pơla Ngế pro xiâm hnê ngăn Chin phuh [ă mâu kăn xiâm dêi kong têa Sinuâ, péa pâ hiăng tơbâ troh Texhong cho Grup ki djâ troăng ahdrối ‘na ki rơkê, loi tơngah khât, mơhno tối ăm tơdroăng cheăng ki ó rơdêi dêi khu mơdró kâ Sinuâ a Việt Nam. Tơdroăng to\ng kum dêi Ngế pro xiâm hnê ngăn, mâu khu râ, kơvâ cheăng [ă khu mơdró kâ, ing mê mơjiâng chiâng ivá cheăng [ă tuăn mơno loi tơngah dêi Grup vâ thăm po rơdâ ‘no liăn to\ng kum cheăng kâ a Việt Nam. Tiô tơdroăng tối, kô tâk tơ’nôm 500 rơtuh USD tung hơnăm 2020.

Pôa Nguyễn Xuân Phúc, Ngế pro xiâm hnê ngăn tơdah pôa Tao Hui

Tung la ngiâ kố ah, Kăn xiâm pơkuâ ngăn Texhong pói rơhêng vâ Chin phuh [ă mâu khu râ, kơvâ cheăng, kong pơlê, pơlê kong kân, malối cho kong pơlê Quảng Ninh pơtối to\ng kum thâ re\ng vâ pêi pro mâu tơdroăng ki pơtroh kế tơmeăm hnối to\ng kum ăm mâu ngế ki hriăn rơkê, kăn [o# pơkuâ ngăn xiâm dêi Texhong châ tơ’lêi hlâu châ pêi cheăng a Việt Nam.

Nhat Lisa tơplôu [ă tơbleăng