Dak Nông cho kong pơlê a peăng mâ hâi lu ‘na hdroh dêi Tây Nguyên, ai hên kế tơmeăm ki kơnía git vâ mơnhông mơdêk ôm hyô [ă mâu kong kế ki pro ăm kuăn mơngế ôh tá kâi piu môi tiah long têa Ea Snô, kiêp hmốu }ư\ Bluk [ă kiêp hmốu ngon on xo\n má môi Đông Nam Á, kơdrum kong ilâng Tà Đùng châ pơtih môi tiah ‘’Vịnh Hạ Long dêi Tây Nguyên’’…

Dak Nông ối ai ki rơdêi ‘na mơnhông mơdêk pêi cheăng kâ [ă kmăi kơmok chiâ xo kế tơmeăm, pêi chiâk deăng xúa kơmăi kơmok chal nếo tơtro [ă kơmăi kmok uâ pơliê kế tơmeăm pêi lo ing chiâk deăng, loăng kong, tung mê, kơmăi kơmok chiâ xo kế tơmeăm cho ki ó rơdêi khât.

La tiah mê, Dak Nông tá hâi chiâng môi tíu troh ki hơniâp ro. Kong pơlê ối ai tơdroăng ki xơpá ‘na hngêi trăng troăng klông, tung pơla mơjiâng pro ối iâ êt, ôh tá ai ngế pêi cheăng ki hriâm lâm kân. Jâ Nguyễn Thị Thanh Huyền, kăn pơkuâ Ko\ng ti pêi cheăng tiô rơnó Mơnhông mơdêk pêi chiâk deăng Tơdroăng rêh ối ngiât T&T, ăm ‘nâi, Dak Nông [ă Tây Nguyên cho kơpong ki ‘no liăn cheăng tung la ngiâ ‘na pêi chiâk deăng xúa kơmăi kơmok chal nếo dêi ko\ng ti. Laga, a dak Nông nếoi ai dâng 7 rơpâu ha loăng plâi kâ, túa pơkâ pêt mơjiâng bu iâ êt.

Xua mê, Ko\ng ti rơhêng vâ xúa khoa hok kih thua#t ‘no liăn cheăng mơnhông mdêk mâu klâng kân rơdâ, dâi le\m mâu túa plâi kâ ki ó rơdêi [ă kong pơlê ki ai tơdroăng ki rơhêng vâ môi tiah [ơr, măng cụt, plâi nong, krui kơxái, priât. Rơtế mâu tơdroăng kế tơmeăm ki ê cho xúa kơmăi kơmok tung uâ pơliê vâ mơdêk yă kơnâm ăm mâu kế tơmeăm, pro ai pơxúa ăm tá khu mơdró kâ [ă mâu kuăn pơlê ki pêi chiâk deăng:

VOV Ngế pro xiâm hnê ngăn tơnêi têa 

‘’Ngin rơhêng vâ ‘no liăn cheăng mơjiâng pro hngêi kmăi uâ pơliê sầu riêng a kơpong ki pêt, mê cho tơdroăng pơkâ mơ’no. Tơkéa vâ tối cho rêm kơpong ki pêt pin athế ‘no liăn mơjiâng pro hngêi kơmăi uâ pơliê vâ rak tơniăn pro tơ’nôm ki kơnía, dêi mâu kế tơmeăm. Ngin kô ai troăng hơlâ xúa kơmăi kơmok tung rak ngăn klêi kơ’nâi krí xo, ‘no liăn tung tơdroăng ki uâ pơliê tiô chal nếo, ‘no liăn roê kơmăi kơmok blockchain, mơ’no troăng hơlâ tí tăng xiâm rêi, mơjiâng hnê mơhno địa lý đie#n tưh ăm mâu kế tơmeăm dêi kong pơlê’’.

Tối tơbleăng a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa sôk ro mâu khu ‘no liăn cheăng troh pêi cheăng a Dak Nông, môi kong pơlê ki hngế hngo [ă xơpá. Ngế pro xiâm hnê ngăn tơnêi têa mơnhên tối khât kăn pơkuâ kong pơlê hiăng tăng hlo mâu tơdroăng ki hiăng ai hlâu ‘na tơ’mot khu ‘no liăn cheăng. Tơdroăng ki tơ’mot khu ‘no liăn cheăng kô ai pơxúa khât vâ tơbâ 15 hơnăm hâi mơjiâng kong pơlê Dak Nông. A rôh po hneăng hôp kố, Vi [an hnê ngăn kong pơlê diâp hlá mơéa mơnhên ‘no liăn ăm mâu khu ki ‘no liăn cheăng [ă tâi tâng kơxo# liăn vâ chê 47 rơpâu rơtal liăn.

Ngế pro xiâm hnê ngăn tơnêi têa sôk ro mâu khu ‘no liăn cheăng tung kơvâ pêi chiâk deăng xúa kơmăi kơmok chal nếo, xua tơdroăng ki hiăng ai hlâu dêi Dak Nông gá hên khât:

‘’Ki rơdêi má môi cho pêi chiâk deăng. Tơnêi tơníu hyôh kong prâi tơniăn le\m môi tiah mê, hên mâu hdrê loăng pêt ton hơnăm chiâng vâ tê hên,. {ơr a kố gá kơhiâm khât, chiâng vâ pơchông [ă ki rơdêi dêi mâu kong pơlê ki ê, tá Lâm Đồng [ă Dak Lak. Pak^ng mê ối ai tiu, kloăng hôt, kơxu, krui kơxái, mắc ca. Lối châ xiâm hdrê loăng pêt ton hơnăm, loăng plâi kâ dế châ pêt a kố. Mâu vâi pú ối tối pêi chiâk deăng xúa kơmăi kơmok ki rơkê ple\ng 4.0. Á hlo ko\ng ti dêi Grup pơkuâ T&T tối troh troăng prôk kố. Kố cho troăng prôk ki kan ki Đảng [ă Tơnêi têa sôk ro khât’’.

Ki rơdêi tâ nếo dêi Dak Nông ki Ngế pro xiâm hnê ngăn tơnêi têa tối rơdêi cho ‘na ôm hyô ngăn a tơdroăng ki rơdêi dêi kong kế nhâ loăng, hên kế tơmeăm mơhno túa le\m tro dêi mâu hdroâng kuăn ngo, tung mê ai chêng koăng, teăn hmôu [ă hên ki ê.

Ngế pro xiâm hnê ngăn tơnêi têa xuân mơnhên tối ki hiăng ai hlâu ‘na mơnhông mơdêk kơmăi kơmok uâ pơliê kế tơmeăm a Dak Nông, tung mê bo xit gá hên khât. Ngăn sap ing mâu tơdroăng tơkêa dế châ tối tơbleăng mơjiâng pro ai pơxúa, Ngế pro xiâm hnê ngăn tơnêi têa tối tiah kố, kố cho troăng prôk ki kal tung tơdroăng mơnhông mơdêk dêi Dak Nông. Ngế pro xiâm hnê ngăn tơnei têa pơcháu ăm Khu xiâm ngăn cheăng kơmăi kơmok [ă tê mơdró, Khu xiâm ngăn kế tơmeăm khoăng tung têa, a tơnêi [ă hyôh kong prâi [ă kong pơlê hriăn ngăn, chêh pro tối tơbleăng ‘na ki tơ-[rê, tơdjâk troh kong prâi dêi mâu tơdroăng tơkêa uâ pơliê vâ ai troăng hơlâ pơkâ ‘no liăn cheăng tung la ngiâ, pơtroh ăm Ngế pro xiâm hnê ngăn Chin phuh séa ngăn, pơkâ.

Pák^ng mê, Ngế pro xiâm hnê ngăn tơnêi têa xuân mơhno ăm Dak Nông xuân kal tơtro\ng mơnhông mơdêk kơpho# tiô troăng ngiât, krúa, malối cho drêng Dak Nông cho kong pơlê ki má môi dêi lâp tơnêi têa tá hâi ai pơlê kong kơdrâm, ngăn kố cho ivá mơnhông mơdêk [ă kong pơlê.

Vâ mơdêk ki le\m, mâu khôi túa ki le\m tro dêi 40 hdroâng kuăn rêh ối a Dak Nông, Ngế pro xiâm hnê ngăn tơnêi têa hnê mơhno:

VOV Ngế pro xiâm hnê ngăn tơnêi têa 

‘’Tâi tâng pin kal ‘mâi mơnhông mâu tơdroăng ki hâk vâ dêi tơdroăng mơnhông mơdêk, kal xut tah lôi tơdroăng ki tơmiât xơpá lơ ôh tá mơnhông mơdêk vâ ing mê pin ai môi túa tơmiât, hâk vâ ó rơdêi tung ‘no liăn mơnhông mơdêk. Nâ H’Hen Niê, môi ngế droh Tây Nguyên cho ngế droh le\m Việt Nam [ă hiăng ối tôp xiâm dêi mâu droh le\m lâp plâi tơnêi. Pin xuân ai tơdroăng ki tơche#ng tơmiât Dak Nông chiâng môi kong pơlê ki kro mơdro\ng. Kăn [o#, đảng viên, mâu kơ koan [ă khu ki ‘no liăn cheăng xuân athế hâk vâ, mơdêk tơ’nôm ivá ăm tơdroăng ki mơnhông mơdêk mê, mơeăm hluăn ing xơpá ki ôh tá tơ’lêi hlâu, ‘mâi mơnhông ivá kân k^n ăm mơnhông mơdêk mâu kơvâ cheăng ki pin dế pơkâ mơ’no’’.

Rơhêng vâ châ tơdroăng ki mê, Ngế pro xiâm hnê ngăn tơnêi têa tối tiah kố, Dak Nông athế tơleăng mơnhên mâu hlá mơéa, athế ngăn tơdroăng ki [lêi trâng dêi khu ki ‘no liăn cheăng cho ivá tơ-[rê dêi kong pơlê. Xua mê, kong pơlê athế ai khu ki rơkê ple\ng vâ to\ng kum khu ‘no liăn cheăng, tơdroăng cheăng tê mơdró dêi Dak Nông chiâng ki xiâm vâ kum ăm mâu tơdroăng ki ôh tá tơ-[rê ki ê, môi tiah hngêi trăng, troăng klông.

Ngế pro xiâm hnê ngăn tơnêi têa xuân hnê mơhno Dak Nông tối tơbleăng troăng hơlâ dế cho troăng pơkâ dêi lâp plâi tơnêi, mê cho mơdêk tơdroăng tê mơdró mơnhông mơdêk. Athế xut tah lôi tuăn hhiâm tơmiât pêi cheăng ki pêi xêh, tê xêh, mơdêk mơjiâng pro kế tơmeăm [ă pêi pro tro a tâi tâng tơdroăng cheăng dêi khu pêi cheăng tơru\m, mâu rơpo\ng hngêi.

{ă khu ki ‘no liăn cheăng, Ngế pro xiâm hnê ngăn rơnêi têa pơkâ thế khu ‘no liăn cheăng tối athế prôk [ă tơdroăng pêi, pêi pro tro mâu tơdroăng tơhrâ ‘no liăn cheăng, xúa mâu ngế pêi cheăng a kong pơlê, pêi pro túa pơkâ ‘’tê mơdró ai khế hơnăm, tê ai túa pơkâ’’ tơ’mot khu ‘no liăn cheăng ki ê rơtế ‘no liăn cheăng tơdjuôm a Dak Nông. Chin phuh [ă khu kăn pơkuâ kong pơlê Dak Nông đi đo mơeăm pro hơ’lêh tơdroăng ki tê mơdró, rak vế hnoăng pơkuâ [ă kế tơmeăm ki tro luât dêi khu ‘no liăn cheăng, kum tơnêi têa pêi cheăng kâ tơ-[rê.

A hneăng hôp, 18 khu mơdró kâ xuân hiăng tối tơbleăng to\ng kum kơxo# liăn ăm tơdroăng cheăng gâk kring pơlê pơla dêi kong pơlê [ă tơdroăng ki 15 hơnăm mơjiâng kong pơlê [ă tâi tâng kơxo# liăn vâ chê 53 rơtal liăn, tung mê, mâu tíu cheăng ai veăng kum hên môi tiah T&T 5 rơtal liăn, FLC 2,7 rơtal liăn, BIDV 1,3 rơtal liăn.

Vũ Dũng chêh

Katarina Nga tơplôu [ă tơbleăng