VOV4.Sêdang - Peăng xêi lơ 28/2, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pin hiăng tơdah pôa Iwamura Yasutsugu, Kăn xiâm pơkuâ ngăn Aeon Mall. A chôu phut tơdah mê, pôa Nguyễn Xuân Phúc tối nhên, tơru\m cheăng krá tơniăn ton, trâu hơngế pơla Việt Nam [ă Nhuk dế tung roh ki pơtối mơnhông le\m tro, tu\m têk mâu tơdroăng cheăng.

Pôa Nguyễn Xuân Phúc, Ngế pro xiâm hnê ngă [ă Kăn xiâm pơkuâ ngăn Aeon Mall

Hâk ro, phiu niu drêng tơdroăng cheăng dêi Aeon hiăng ‘mot hên kế tơmeăm dêi Việt Nam châ tê mơ’no tung kong têa Nhuk [ă mâu kong têa, pôa Nguyễn Xuân Phúc tối ăm ‘nâi, kố cho troăng hơlâ ki pơtối mơ’no tê hên, tí xê to tơdroăng Việt Nam châ tê mơ’no hên kế tơmeăm pêi lo ing chiâk deăng troh a kong têa Nhuk la athế tơkâ luâ mâu kong têa ki ê.

Tung hneăng pro xiâm dêi pôa Iwamura Yasutsugu, pôa Nguyễn Xuân Phúc pói rơhêng vâ mâu tơdroăng ki mơ’no tê tơdrêng kế tơmeăm kố châ pơtối mơdêk hên ó tâ, pro pơxúa ăm Grup Aeon [ă Việt Nam. Séa mơnhên ngăn tơdroăng ki kơdo mơ-eăm dêi Aeon, pôa Nguyễn Xuân Phúc mơnhên tối, Việt Nam pơtối thăm mơdêk ‘mâi rơnêu tung túa cheăng mơ’no tê mơdró kâ tơmeăm, veăng kum tơ’lêi hlâu luâ tâ kơ mê nếo ăm mâu khu mơdró kâ dêi tơnêi têa ê, tung mê, ai mâu khu mơdró kâ dêi kong têa Nhuk.

Nhat Lisa tơplôu [ă tơbleăng