VOV4.Sêdang - Kơxêi hâi lơ 12/10, pôa Nguyễn Xuân Phúc, Ngế pro xiâm hnê ngăn Chin phuh rơtế [ă mâu kăn xiâm dêi Việt Nam hiăng prếo vêh troh a Hà Nội, mơgêi hneăng hôp khu kăn xiâm ASEAN drêng po hneăng hôp ‘na Khu xiâm râng liăn lâp plâi tơnêi IMF, Hngêi rak liăn xiâm lâp plâi tơnêi WB a pơlê kong kân Bali, kong têa Indonesia; klêi mê,  hnối pôu, pêi cheăng a kong têa Indonesia sap ing hâi lơ 11 troh lơ 12/10. Bú tung pơla 2 hâi, pôa Nguyễn Xuân Phúc hiăng ai roh pêi hên tơdroăng cheăng ki kal.

A hneăng trâm mâ mâu kăn xiâm ASEAN [ă mâu ngế ki pơkuâ xiâm dêi Khu lâp kong têa, IMF, WB hiăng tơpui tơno mâu tuăn tơmiât, tơdroăng pơkâ [ă troăng hơlâ vâ thăm mơdêk, tơru\m cheăng pơla ASEAN [ă Khu lâp kong têa, IMF, WB tung pêi pro tiô mâu hnoăng cheăng tung mơnhông krá tơniăn, kơnôm ing tơdroăng pêi pro tơniăn tiô tơdroăng pơkâ cheăng troh a hơnăm 2030 ah ‘na ki xiâm vâ krá tơniăn [ă thăm mơdêk ki tơveăng dêi pó pơla tơdroăng cheăng ki kố [ă hneăng cheăng dêi pơlê pơla ASEAN hơnăm 2025.

Pôa Nguyễn Xuân Phúc hiăng veăng leh pơxiâm po hneăng hôp tiah hmâ dêi IMF-WB tiô kơ tơdroăng cho môi kong têa ki châ krếo ki nhuo#m dêi môi to kong têa, trâm mâ, tơpui tơno [ă mâu kăn xiâm tung ASEAN vâ tơpui tơno ‘na mâu troăng hơlâ ki vâ thăm tơru\m pơla péa pâ.

Peăng xêi lơ 12/10, pôa Nguyễn Xuân Phúc, Ngế pro xiâm hnê ngăn tơnêi têa hiăng tơdah jâ Christine Lagarde, Kăn xiâm pơkuâ Khu rak liăn lâp plâi tơnêi IMF. A rôh tơdah, pôa Nguyễn Xuân Phúc, hiăng tối nhên mâu tơdroăng pêi pro ki kân k^n ‘na mơnhông mơdêk cheăng kâ rêh ối pơlê pơla dêi Việt Nam tung hơnăm 2018, hnối tối nhên, Chin phuh pơtối mơdêk ‘mâi mơnhông tơdroăng cheăng kâ, hơ’lêh nếo túa pơkâ mơdêk, ki tơ-[rê tung ‘no liăn cheăng tơdjuôm, mơhnhôk tơdroăng tê mơdró [ă mơnhông ‘no liăn cheăng krê, mơhnhôk hơ’lêh ki rơkê ple\ng, mơdêk ivá veăng tung rôh túa hơ’lêh cheăng kơmăi 4.0.

Ngế pro xiâm hnê ngăn tơnêi têa mơnhên tối IMF hiăng to\ng kum mâu troăng hơlâ, mơnhông mơdêk cheăng kâ rêh ối dêi Việt Nam, kơhnâ to\ng kum hnê cheăng [ă tiâ mơnhên ăm Việt Nam tơniăn cheăng kâ, mơdêk cheăng kâ [ă rak tơniăn tơdroăng rêh ối dêi pơlê pơla, pâ thế IMF pơtối mơdêk to\ng kum hnê cheăng, tiâ mơnhên troăng hơlâ ăm Việt Nam ‘na mơdêk ‘mâi mơnhông tơdroăng cheăng kâ.

Pôa Nguyễn Xuân Phúc, Ngế pro xiâm hnê ngăn Chin phuh hiăng trâm pơla péa pâ [ă pôa Samdech Hun Sen, Ngế pro xiâm hnê ngăn kong têa Kul. A chôu phut trâm mâ mê, pôa Nguyễn Xuân Phúc pa môi hdroh nếo rơkâu chin phuh kong têa Kul hiăng pêi cheăng tơniăn klêi kơ’nâi lối 1 khế mơjiâng pro, mơhno tối hiâm tuăn loi tơngah kuăn pơlê kong têa Kul kô pơtối châ chiâng pêi pro hên mâu hnoăng cheăng ki nếo, kân luâ tâ, veăng kum mơdêk hnoăng cheăng, túa cheăng dêi kong têa Kul tung kơpong [ă tung lâp plâi tơnêi.

Péa pâ hiăng vâ môi tuăn pơtối thăm tơru\m, maluâ tung kơvâ pêi cheăng kâ-tê mơdró, ai mâu troăng hơlâ ki veăng kum tơ’lêi hlâu ăm ‘na tê mơdró pơla péa pâ tơnêi têa, tung mê, thăm mơnhông mơdêk re\ng tơdroăng k^ tơkêa ‘na tê mơdró kâ tíu tơkăng Việt Nam [ă Kul.

Pôa Samdech Hun Sen mơnhên tối, Chin phuh Kul pơtối hnê mơhnhôk, to\ng veăng, kum tơ’lêi hlâu ăm khu mơdró kâ dêi Việt Nam ki dế ‘no liăn tê mơdró kâ a kong têa Kul.

Nhat Lisa – Katarina Nga tơplôu [ă tơbleăng