VOV4.Sêdang - Peăng xêi lơ 22/2, a cheăm Nghĩa Sơn, tơring Nghĩa Đàn, kong pơlê Nghệ An, pôa Nguyễn Xuân Phúc, Ngế pro xiâm hnê ngăn tơnêi têa hiăng tối tơbleăng, hnê djâ Têt pêt loăng plâ rơxông chôu pâ kăn xiâm hnê ngăn tơnêi têa.

Ngế pro xiâm hnê ngăn tơnêi têa pôu, pêi cheăng a kong pơlê Nghệ An

Ngế pro xiâm hnê ngăn tơnêi têa rơtế [ă mâu kăn pơkuâ dêi mâu khu xiâm, kơvâ cheăng, kăn pơkuâ kong pơlê Nghệ An, kuăn pơlê dêi kong pơlê, veăng pêt 3.500 xiâm loăng ngiât. Drêng kố, Grup pơkuâ TH hiăng diâp 21 rơpâu xiâm loăng ngiât, môi hdrê loăng ki kơnía ăm 21 tơring tung lâp kong pơlê Nghệ An, vâ pro ai pơxúa ‘na cheăng kâ [ă mơhnhôk kuăn pơlê rak vế kong prâi tơnêi tíu.

Tối tơbleăng a rôh leh, Ngế pro xiâm hnê ngăn tơnêi têa tối nhên, hlo mâu tơdroăng ki mơnhâu dêi kong prâi mê tơdroăng ki tơ’mot ‘no liăn cheăng mơnhông pêi chiâk deăng xúa kơmăi kơmok chal nếo châ Chin phuh [ă khu xiâm mơhnhôk, tung mê ai Nghệ An.

Drêng kố, Ngế pro xiâm hnê ngăn tơnêi têa pơkâ thế kong pơlê Nghệ An re\ng mơnhông pêi chiâk deăng xúa kơmăi kơmok chal nếo, mơ-eăm troh hơnăm 2020, lâp kong pơlê ai dâng 7% [ăng tơnêi pêi chiâk deăng xúa kơmăi kmok chal nếo, troh hơnăm 2030, mơ-eăm mơdêk tơdroăng ki pêi chiâk deăng xúa kơmăi kmok châ lối tơdế tung tâi tâng tơdroăng cheăng pêi chiâk deăng dêi kong pơlê.

Katarina Nga tơplôu [ă tơbleăng