VOV4.Sêdang -  Hâi lơ 2/8 a tíu pêi cheăng Chin phuh, po hneăng hôp má môi khu hnê mơhno cheăng tơnêi têa ‘mâi mơnhông nếo cheăng kâ, hơ’lêh nếo túa cheăng kâ, pơla hơnăm 2016-2020. Pơkuâ hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa tối thế mâu kăn tung khu hnê mơhno tối mâu tơdroăng mơ-eăm ki nếo ăm tơdroăng mơnhông mơdêk cheăng kâ tơnêi têa.

Ngế pro xiâm hnê ngăn tơnêi têa tối nhên hneăng hôp tối mâu tơdroăng pơkâ dêi Đảng, Kuo#k ho#i, Chin phuh tung tơdroăng ‘mâi mơnhông mâu kơvâ cheăng, tơdroăng cheăng kâ [ă malối hơ’lêh nếo tơdroăng mơnhông mơdêk cheăng kâ, ki xiâm pơkâ mơnhông tơ-[rê ai pơxúa tơdroăng cheăng kâ. Hvái ngăn tơdroăng pêi pro tơ-[rê ‘na cheăng kâ [ă hơ’lêh nếo tơdroăng cheăng pêi ki tâk, ki xiâm pơkâ pêi châ tơ-[rê, ai pơxúa dêi tơdroăng cheăng kâ.

Ngăn tơdroăng ‘mâi mơnhông cheăng kâ [ă hơ ‘lêh nếo ki mơnhông mơdêk tung hơnăm hiăng luâ, Ngế pro xiâm hnê ngăn tơnêi têa tối tiah kố, ki tâk tơdroăng cheăng kâ hlo tơ-[rê, cheăng kâ po rơdâ, châ lối 5 rơtal liăn, tơdroăng liăn oh tá ai yă châ séa ngăn. Tơdroăng tê mơdró [ă ki vâ tơbriêt cheăng dêi tơnêi têa tâk.

Mơhé tiah mê, tơdroăng cheăng kâ tâk môi tiah nôkố hâi môi tiah tơdroăng púi vâ. Ngế pro xiâm hnê ngăn tơnêi têa tối pơchân mâu kong pơlê thế pơkâ tơdroăng cheăng pêi vâ tâk rơdêi tâ, malối cho mâu kơvâ cheăng ki ai pơxúa tâk hên môi tiah liăn ngân, ôm hyô [ă hên ki ê. 

Gương tơplôu [ă tơbleăng